Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Kasano No Agsinan Dagiti Dadakkelko?

Kasano No Agsinan Dagiti Dadakkelko?

Ania ti mabalinmo nga aramiden

Ibagam dagiti pakadanagam. Ibagam kadagiti dadakkelmo a malmaldaanganka unay wenno maburburiboranka. Mabalin nga ilawlawagda kenka no ania ti mapaspasamak tapno lumag-an ti barukongmo.

No saandaka pay laeng nga ikaskaso, mabalinmo ti makisarita iti nataengan ti panagpampanunotna a gayyem.—Proverbio 17:17.

Kangrunaan iti amin, sidadaan a dumngeg kenka ti nailangitan nga Amam, ti “Managdengngeg iti kararag.” (Salmo 65:2) Ibukbokmo kenkuana ti linaon ti pusom ‘agsipud ta isu maseknan kenka.’—1 Pedro 5:7.

Ania ti saanmo nga ar-aramiden

Ti panangiliwliwag iti panagsina dagiti dadakkelmo ket mayarig iti panangpaimbag iti natukkol nga ima—nasakit daytoy a proseso ngem umimbagkanto

Dika agipempen iti sakit ti nakem. Ti laeng bagbagida ti pampanunoten dagiti dadakkelko,” kuna ni Daniel, a nagsina dagiti dadakkelna idi agtawen iti pito. “Saanda nga ikabkabilangan ti riknami ken no ania ti epektona kadakami ti panagsinada.

Ania ti dakes nga epektona ken ni Daniel no agimula iti sakit ti nakem ken gura?—Pamalatpatan: Basaem ti Proverbio 29:22.

Apay a nasayaat no ikagumaan ni Daniel a pakawanen dagiti dadakkelna gapu iti saem nga inyegda kenkuana?—Pamalatpatan: Basaem ti Efeso 4:31, 32.

Saanka nga agrebelde. Saanakon a naragsak manipud idi nagsina dagiti dadakkelko,” kuna ni Denny. “Saankon a mayul-ulo ti ageskuela ken adda maysa a tawen a saanak a nakapasa. Kalpasan dayta ... nagbalinak a paan-anawa iti klasemi ken masansan a makirambolak.

Iti panagkunam, apay ngata a nagbalin a paan-anawa ni Denny iti eskuelaan wenno apay a masansan a makirambol?

Kasano a makatulong ti prinsipio iti Galacia 6:7 kadagiti tattao a kas ken Denny tapno saanda nga agrebelde?

Kasapulan ti panawen tapno maiwaksi ti sakit ti nakem. Bayat nga agsubli manen a kas iti dati ti biagmo, mariknam a normal manen dagiti bambanag.

 

Ammuem ti Ad-adu Pay

Saludsod nga Iyimtuod ti Agtutubo, Tomo 1

Ti dadduma kadagiti topiko a nailawlawag ket maipapan iti arak ken droga, seksual a moralidad, pannakideyt ken panaginnarem.