Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Kasanok a Makatunosan Dagiti Mannursuro?

Kasanok a Makatunosan Dagiti Mannursuro?

Agpanunotka!

Panunotem ti kapadasan ni Rachel. Kanayon a nangato ti grado ni Rachel. Ngem nagbaliw dayta idi addan iti grade 7. “Inaramid ti maestrok ti amin tapno laeng saanak a makapasa iti klasena,” kuna ni Rachel. Ania ti problema? Imparikna ti maestro kada Rachel ken ni nanangna a saanna a kayat ti relihionda.

Dagiti mannursuro ket kas iti bato a pagtalaytayan a makatulong kenka a bumallasiw manipud kinaignorante nga agturong iti pannakaawat, ngem masapul nga agaddangka

Ania ti napasamak? Kinuna ni Rachel: “No nabatad a ti panangidumduma ti maestrok ti makagapu a nababa ti intedna a gradok, kaduaennak ni Nanang a makisarita kenkuana maipapan iti dayta a banag. Idi agangay, saannakon a pinarigat.

No kasta met ti mapaspasaram, iturturedmo nga ibaga dayta kadagiti dadakkelmo. Awan duadua a kayatda ti makisarita iti mannursuro ken uray pay iti school administration tapno matulongandaka.

Pudno a saan nga amin a problema ket nalaka a solusionan. No dadduma, masapul nga ibturam dagita. (Roma 12:17, 18) “Saan a nasayaat ti kababalin ti maysa kadagiti maestrok kadagiti estudiantena,” kuna ni Tanya. “Kanayonnakami nga insultuen, nga ibagbagana nga awan ammomi. Pinagsangitnak pay idi, ngem nasursurok a palabsen lattan dagidiay a panangin-insultona. Impamaysak ti nagadal ken kanayonak a makiparpartisipar iti klasena. Kas resultana, saannak unayen nga in-insultuen, ken maysaak kadagiti sumagmamano a naipaayan iti nangato a grado. Kalpasan ti dua a tawen, naikkat dayta a mannursuro.

Laglagipem: No sursuruem ti makibagay iti istrikto a mannursuro, maaddaankanto iti napateg a paglaingan—a makatulong kenka a makibagay iti istrikto nga amo inton agtrabahokan. (1 Pedro 2:18) Ken ad-addanto pay ketdi a maapresiarmo dagiti nasayaat a mannursuro.

 

Ammuem ti Ad-adu Pay

Kasano a Mapagballigiak Dagiti Pakarigatak iti Eskuelaan?

Adu ti pagtaudan ti stress iti eskuelaan. Ammuem ti lima nga addang a mangkissay iti stress.