Mapan iti linaonna

Mapan iti segundario a pagpilian

Dagiti Saksi ni Jehova

Iloko

SALUDSOD DAGITI AGTUTUBO

Nakasaganaak Kadin a Makiasawa?

Nakasaganaak Kadin a Makiasawa?

Sakbay a masungbatam dayta a saludsod, masapul nga am-ammuem pay a naimbag ti bagim. Kas pagarigan, usigem dagitoy:

Relasion

Kasano ti panangtratom kadagiti nagannak ken kakabsatmo? Masansan kadi a saanka a makapagteppel, a nalabit awan daydayawna wenno makapasakit ti panagsasaom kadakuada? Ania ti makunada kenka maipapan iti dayta? No kasano ti panangtratom iti pamiliam, kastanto met ti panangtratom iti asawam.—Efeso 4:31.

Kababalin

Positiboka kadi wenno negatibo? Nainkalinteganka kadi, wenno kanayon nga ipapilitmo nga aramiden ti kaykayatmo? Kabaelam kadi ti agtalinaed a kalmado kadagiti makapa-stress a situasion? Naanuska kadi? Ti panangipakitam itan kadagiti galad a nadakamat iti Galacia 5:22, 23 ti tumulong kenka nga agsagana iti panagbalinmo nga asawa inton agangay.

Pinansial

Komusta ti panagbadyetmo? Masansan kadi nga umutangka? Maanusam kadi ti maysa a trabaho? No saan, apay? Maigapu kadi iti kita ti trabaho? Iti amo? Wenno gapu iti kababalinmo wenno ugalim a masapul a balbaliwam? No saanmo nga ammo nga iggaman ti bukodmo a kuarta, kasanonto laengen no addan pamiliam?—1 Timoteo 5:8.

Espiritualidad

No maysaka kadagiti Saksi ni Jehova, ania ti ar-aramidem tapno mataginayon ti nasayaat a relasionmo iti Dios? Uray awan mangibagbaga kenka, basbasaem kadi ti Biblia, mangaskasabaka, ken makiparpartisiparka kadagiti Nakristianuan a gimong? Ti pakiasawaam ket maikari a maaddaan iti asawa a natibker ti espiritualidadna.—Eclesiastes 4:9, 10.

No mas am-ammom ti bagim, nalaklakaka a makabirok iti makatulongto kenka nga agbalin a nasaysayaat a tao.

 

Ammuem ti Ad-adu Pay

AGRIINGKAYO!

Ania ti Manamnamak Inton Addan Asawak?—Paset 1

Ania dagiti pagimbagan ken problema a realistiko a manamnamam iti panagasawa?

AGRIINGKAYO!

Ania ti Manamnamak Inton Addan Asawak?—Paset 2

Ammuem no kasano a masaganaam dagiti dimo manamnama a problema iti panagasawa.