Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Kasanok a Masaranget ti Sulisog?

Kasanok a Masaranget ti Sulisog?

Ania ti mabalinmo nga aramiden

Umuna, laglagipem a sika ti manungsungbat iti bukodmo nga aramid—aniaman ti aramiden dagiti gagayyemmo.

Maikadua, ammuem no ania a sulisog ti karirigatan a labanam.

Kalpasanna, isaludsodmo iti bagim, ‘Ania a gundaway a mabalin a maipasangoak iti daytoy a sulisog?’ (No addaak iti eskuelaan? No addaak iti pagtrabahuan? Dadduma pay?) Maliklikam ti sulisog no ammom dagiti gundaway a mabalin a maipasangoka iti dayta.

Ita, ammomon no ania ti aramidem. Umuna, panunotem no kasanom a malimitaran wenno naan-anay a maliklikan dayta a sulisog. (Kas pagarigan: Kalpasan ti klaseyo, no adda kaeskuelaam a kanayon a mangpilit kenka nga agsigarilio, nalabit baliwamon ti pagnaam tapno saanmo a masabat ida.) Kinapudnona: Dagiti “gagayyem” a mangpilit kenka nga agaramid iti dakes ket saan a pudno a gayyem.

No agpaabakka iti sulisog, agbalinka nga adipen dagiti tarigagaymo

Siempre, saanmo a maliklikan ti amin a sulisog. Iti di agbayag, mabalin a maipasangoka iti nakaro a sulisog—nalabit daydiay saanmo a ninamnama. Ania ti mabalinmo nga aramiden?

Ti tulbek ket agsaganaka!

Panunotem: Ammo ni Jesus no ania ti aramidenna no maipasango iti sulisog. Isu ket determinado nga agtulnog iti Amana iti amin a gundaway. (Juan 8:28, 29) No kasta, ti tulbek ket, masapul nga ammomon no ania ti aramidem sakbay pay a maipasangoka iti sulisog.

Padasem. Mangpanunotka iti dua a rason no apay a rumbeng a sarangtem ti sulisog. Kalpasanna, mangpanunotka iti dua nga aramidem a tumulong kenka a mangsaranget iti dayta.

Apay koma nga ipalubosmo a kontrolendaka dagiti dadduma? Determinadoka koma a mangaramid no ania ti umiso. (Colosas 3:5) Ken ikararagmo nga agtultuloy koma a maaramidmo dayta.—Mateo 6:13.

 

Ammuem ti Ad-adu Pay

Saludsod nga Iyimtuod ti Agtutubo, Tomo 2

Ti dadduma kadagiti topiko a nailawlawag ket maipapan iti eskuelaan, panaglinglingay, kapatada, nagannak, panagbalbaliw iti biag, ti riknam, ken ti saanmo a kasekso.

No Kasano a Malabanan ti Di Nasayaat nga Impluensia ti Kakadua

Agaramid iti dakes dagiti nasingpet a tattao gapu iti di nasayaat nga impluensia ti kakadua. Ania ti masapul a maammuam maipapan iti dayta, ken kasano a malabanam?

Kasano No Pilitendak a Makiseks?

Adda kadi pagsayaatanna no tumulokka? Pagbabawyamto ngata?