Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Kasano No Marigatanak a Makigayyem?

Kasano No Marigatanak a Makigayyem?

Ania ti mabalinmo nga aramiden

Umuna, ammuem ti kita dagiti tattao a karirigatan a pakigayyemam.

Edad:

Marigatanak a makigayyem kadagiti . . .

  • kapatadak

  • in-inauna ngem siak

  • adulto

Abilidad:

Marigatanak a makigayyem kadagiti tattao nga . . .

  • atletiko

  • talentado

  • intelihente

Personalidad:

Marigatanak a makigayyem kadagiti tattao nga . . .

  • addaan iti kompiansa

  • nalatak

  • addaan iti bukod a grupo

Maikadua, piliem dagiti sasao a mangipakita iti kadawyan a reaksionmo no kaduam dagiti tattao a narigat a pakigayyemam.

  • Aginkukunaak nga agpapadakami kadagiti paginteresan ken abilidad.

  • Diak ikankano dagiti paginteresanda no di ket isarsaritak ti bukodko a paginteresan.

  • Diak agun-uni ken sipsiputak ti gundaway a mabalinkon ti pumanaw a dagus.

Maikatlo, sika ti umun-una a makigayyem! Saanmo nga urayen a dagiti sabsabali ti umasideg ken mangawis kenka a makigayyem kadakuada; no dadduma, masapul a sika ti umasideg kadakuada. (Filipos 2:4) Kasanom nga aramiden dayta?

Makigayyemka kadagiti saanmo a kaedad. Panunotem daytoy: Apay ngamin a dagiti laeng katawenam ti kayatmo a pakigayyeman sa agreklamoka nga awan ti mabirokam a gayyem? Mayarigka no kua iti tao a matmatayen iti bisin iti desierto nga isla idinto ta nagadu met ti ikan nga aglanglangoy iti aglawlaw!

Imbaga ni nanangko a padasek ti makisarita kadagiti natataengan. Kinunana a masdaawakto ta nagadu gayam ti pagpapadaanmi. Husto ni Nanang. Ita, adun ti gagayyemko!”—Helena, 20.

Parang-ayem ti abilidadmo a makisarita. Ti aramidem ket (1) dumngeg, (2) agsaludsod, ken (3) ipakitam a pudno a maseknanka.—Santiago 1:19.

Ikagkagumaak ti dumngeg imbes a siak ti kanayon nga agsasao. Ket no siak ti agsasao, saanko nga isarsarita ti maipapan iti bagik ken saanko a padpadaksen dagiti sabsabali.”—Serena, 18.

No adda makisarita kaniak maipapan iti banag a diak ammo, pailawlawagko dayta kenkuana bareng no ad-adu pay ti maibagana kaniak.”—Jared, 21.

Managbabainak, isu a pilpilitek ti bagik a makisarita. Ngem tapno maaddaanak iti gagayyem, masapul nga agbalinak a mannakigayyem. Isu a siakon ti umuna a makisarita.”—Leah, 16.

 

Ammuem ti Ad-adu Pay

Dakes Kadi ti Agbalin a Popular?

Nagduduma ti aramiden dagiti agtutubo tapno agbalinda a popular. Kanayon kadi a dakes ti tarigagay nga agbalin a makaay-ayo iti sabsabali?

Siasino ti Pudno a Gagayyemko?

Ammuem no kasano a maaddaanka kadagiti pudno ken manayon a gagayyem.