Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

SALUDSOD DAGITI AGTUTUBO

Kasano a Maliklikak ti Lumukmeg Unay?

Kasano a Maliklikak ti Lumukmeg Unay?

Iparparegta ti Biblia ti panagbalin a “natimbeng [wenno balanse] iti panagug-ugali.” (1 Timoteo 3:2) Ramanen dayta ti ugalim iti pannangan. Apay a dimo padasen dagitoy?

Sumardengka no nabsogkan. Bilbilangek idi ti calorie dagiti kanek,” kuna ti agtawen iti 19 a ni Julia, “ngem ita, isardengkon ti mangan no nabsogakon.

Liklikam dagiti saan a nasustansia. Gapu ta diak umin-inumen iti soft drink,” kuna ti 21 anyos a ni Peter, “limmag-anak iti 5 a kilo iti uneg laeng ti makabulan!

Baliwam dagiti di umiso nga ugalim iti pannangan. Ikagkagumaak a diakon paminduaen ti aglabay,” kuna ti 19 ti tawenna a ni Erin.

Tapno Agballigika: Dika manglangan a mangan! No mabisinanka, masobraamto manen ti mangan.

Gapu iti di umiso a panangmatmat iti bagi, adda dagiti mangibaga a, “Masapul nga agpakuttongak,” uray no awan met a talaga ti problema iti timbangda. Ngem no ngay kasapulan a kissayam ti timbangmo? Daytoy ti nakatulong ken ni Catherine.

“Nakaluklukmegak idi a tin-edyer, a diak pulos kayat. Masuronak unay iti itsurak ken panagriknak ket saanak a nasalun-at!

“Pasaray padasek idi ti agpakuttong babaen iti espesial a dieta, ngem agsubli latta ti lukmegko. Isu nga idi agtawenakon iti 15, kayatkon nga ipaypayso ti agpakuttong iti umiso a pamay-an—iti wagas a mamantenerko iti unos ti panagbiagko.

“Gimmatangak iti libro maipapan iti umiso a nutrision ken panagehersisio, sa inaramidko dagiti nabasak. Determinadoak a di sumuko uray no sagpaminsan a maupayak, wenno diak maaramidan dagita.

“Ammom kadi? Nagballigiak! Iti makatawen laeng, 27 a kilo ti naksay iti timbangko. Dua tawenen a namantenerko ti tartarigagayak a timbang. Diak pulos impagarup a mapasamak dayta!

“Panagkunak, saan laeng a ti dietak ti makagapu a nagballigiak—binaliwak met ti estilo ti panagbiagko.”—Catherine, 18.

 

Ammuem ti Ad-adu Pay

Panagballigi Kontra iti Sobra a Kinalukmeg Dagiti Agtutubo

Basaem dagiti simple nga inaramid ti dati a mannangan iti di nasustansia ken no kasano a makontrolnan ti pannanganna.