Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

SALUDSOD DAGITI AGTUTUBO

Kasano a Maaddaanak iti Umdas a Turog?

Kasano a Maaddaanak iti Umdas a Turog?

Kuna ti Biblia: “Nasaysayaat ti sangarakem nga inana ngem iti dua a rakem a napinget a panagtrabaho ken panangkamkamat iti angin.” (Eclesiastes 4:6) No kurang ti turogmo, saan a nasayaat ti panagtrabahom!

  • “No kurang ti turogko, diak makapanunot a naimbag. Marigatanak a mangipamaysa iti ar-aramidek!”—Rachel, 19.

  • “Alas dos pay la ti malem, nabambannogakon isu nga agdudungsaak uray kaimasan ti tungtongan.”—Kristine, 19.

Kurang kadi ti turogmo? Dagitoy ti inaramid ti dadduma a padam nga agtutubo.

Liklikam ti agpuyat. Ikagkagumaak ti maturog a nasapa,” kuna ni Catherine nga agtawen iti 18.

Isardengmon ti makiinnestoria no rabii unayen. No dadduma, nakarabrabiin nga umawag wenno agteks dagiti gagayyemko,” kuna ti 21 anyos a ni Richard, “ngem ammokon no kasano a putden ti saritaan tapno nasapaak a maturog.

Maturog ken agriingka iti isu met la nga oras. Ikagkagumaakon ti maturog ken bumangon iti isu met la nga oras iti kada aldaw,” kuna ni Jennifer nga agtawen iti 20.

Tapno Agballigika: Pagreggetam ti maturog iti di kumurang a walo nga oras kada rabii.

Adu ti magunggonam no mangaramidka iti uray sumagmamano laeng a simple a pamay-an tapno maaddaanka iti umdas a turog. Laglagipem a no nasalun-atka, nasaysayaat ti itsuram, riknam, ken magapuanam.

Saan a kas iti dadduma a banag, adda maaramidam tapno sumayaat ti salun-atmo. Kas iti kinuna ni Erin nga agtawen iti 19, “Ti salun-atmo ket nakadepende iti maymaysa a taosika a mismo.