Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

SALUDSOD DAGITI AGTUTUBO

Kasano a Maaddaanak iti Interes nga Agehersisio?

Kasano a Maaddaanak iti Interes nga Agehersisio?

Kuna ti Biblia: ‘Ti panagsanay iti bagi ket makagunggona.’ (1 Timoteo 4:8) Adu nga agtutubo ti mangibaga a “Masapul nga agehersisioak.” Ngem masadutda met a mangaramid iti dayta.

  • “Idi haiskulak, nagadu nga estudiante ti saan a nakapasa iti P.E. idinto ta kas kalaka dayta iti pannangan!”—Richard, 21.

  • “Kuna ti dadduma nga apay koma nga agtaraytarayka pay laeng iti kainitan agingga nga agling-et ken mabannogka idinto ta mabalinmo met ti agay-ayam iti video game a kasla ar-aramidemon dayta.”—Ruth, 22.

No kasta ti marikriknam, kitaem ti tallo a pagsayaatanna no regular nga agehersisioka.

1. Pumigsa ti resistensiam. Sangkaibaga ni tatangko nga agsakitak no diak agehersisio,” kuna ti 19 anyos a ni Rachel.

2. Mangiruar ti utekmo kadagiti kemikal a mangparelaks kenka. No nagadu ti pampanunotek, kumalma ti riknak no agtarayak,” kuna ni Emily nga agtawen iti 16. “Lumag-an ngamin ti riknak ken mabang-aranak.

3. Rumagsakka. Kaykayatko no addaak iti ruar,” kuna ni Ruth, “isu a karaman iti ehersisiok ti panaglangoy, panagbisikleta, hiking, ken snowboarding.

Tapno Agballigika: Mangyeskediulka iti uray 20 la a minuto iti mamitlo iti kada lawas para iti makapaganaygay a pisikal nga aktibidad a magusgustuam.

Laglagipem: Nupay adda met epektona ti natawidmo a kasasaad ti salun-at, masansan nga agpannuray ti salun-atmo iti piliem nga estilo ti panagbiag. Isu a no ibagam a masapul nga agehersisioka, makaammoka no aramidem dayta wenno saan!

 

Ammuem ti Ad-adu Pay

Tapno Nasalsalun-atka—Kanayon nga Agwatwatka

Makagunggona ti panagehersisio iti amin a tattao aniaman ti edadda ken din kasapulan a mapanka pay iti gym tapno maaramidam dayta.