Mapan iti linaonna

Mapan iti segundario a pagpilian

Dagiti Saksi ni Jehova

Iloko

Kasano No Adiktoak iti Pornograpia?

Kasano No Adiktoak iti Pornograpia?

No ania ti mabalinmo nga aramiden

Nasken a nalawag iti panunotmo no ania a talaga ti pornograpia. Ti pornograpia ket nabatad a maysa a pamay-an tapno agbalin a nakababain ti nadayaw a banag a pinarsua ni Jehova. No kasta ti panangmatmatmo iti pornograpia, nalaklakam a ‘guraen ti dakes.’—Salmo 97:10.

Panunotem dagiti dakes nga epektona. Ti pornograpia ipababana ti dayaw dagidiay naiparang iti dayta ken kasta met dagidiay mangbuya iti dayta. Adda ngarud naimbag a rason no apay a kuna ti Biblia: “Nasaldet daydiay nakakita iti didigra ket rugianna ti aglemmeng.”—Proverbio 22:3.

Agkarika iti bagim. Insapatak a pulos a diak matmatan a sidederrep ti maysa a balasang,” kinuna ti matalek a lalaki a ni Job. (Job 31:1, Ti Baro a Naimbag a Damag Biblia) Dagiti sumaganad ket sumagmamano kadagiti kari a mabalinmo nga aramiden:

  • Diak agusar iti Internet no agmaymaysaak.

  • Dagus nga iserrak ti aniaman a kellaat nga agparang iti site wenno ti site a mismo a mangipakita kadagiti imoral a ladawan wenno eksena.

  • Agpabalakadak iti maysa a nataengan ti panagpampanunotna a gayyem no mailaw-anak manen nga agbuya iti pornograpia.

Kumaro ti epekto ti pornograpia iti maysa a tao tunggal buyaenna dayta—narigrigat nga isardeng dayta nga ugali no agkarabuyaka

Ikararagmo dayta. Impakaasi ti salmista ken ni Jehova: “Iliklikmo dagiti matak manipud panangkita iti awan pategna.” (Salmo 119:37) Kayat ti Dios nga agballigika, ket no agkararagka kenkuana, maipaayannaka iti bileg a mangaramid iti nasayaat!—Filipos 4:13.

Makisaritaka iti maysa a tao. Masansan a dakkel ti maitulongna tapno maisardengmo ti ugalim no adda pangibagaam iti marikriknam.—Proverbio 17:17.

Laglagipem: Tunggal maliklikam ti pornograpia, dakkel a balligi dayta iti biangmo. Ikararagmo ken Jehova a Dios ti maipapan iti panagballigim ket agyamanka kenkuana ta inikkannaka iti bileg. No liklikam ti pornograpia, maparagsakmo ti pusona!—Proverbio 27:11.

 

Ammuem ti Ad-adu Pay

TIN-EDYER

Saludsod nga Iyimtuod ti Agtutubo, Tomo 1

Ti dadduma kadagiti topiko a nailawlawag ket maipapan iti arak ken droga, seksual a moralidad, pannakideyt ken panaginnarem.