Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Kasano a Maiwaksik iti Panunotko ti Seks?

Kasano a Maiwaksik iti Panunotko ti Seks?

Ania ti mabalinmo nga aramiden

Piliem a naimbag ti pakitimpuyogam. No pagsasaritaan dagiti gagayyem ken kaklasem ti maipapan iti seksual nga imoralidad, ad-adda a marigatanka a mangkontrol iti panunotmo no makiramanka iti saritaan. Masansan nga adda pamay-an tapno makapagpakadaka a di agparang nga aginlilintegka ken tapno saandaka a pagkakatawaan.

Ipalubosmo kadi a ma-virus ti kompiutermo? No kasta, apay ngarud a kargaam ti isipmo kadagiti imoral a kapanunotan?

Liklikam dagiti imoral a paglinglingayan. Adu a paglinglingayan ita ti nairanta a mangriing iti dinederrep a tarigagay. Ania ti balakad ti Biblia? “Dalusantayo koma ti bagbagitayo iti tunggal pakatulawan iti lasag ken iti espiritu, nga an-anayentayo ti kinasanto iti panagbuteng iti Dios.” (2 Corinto 7:1) Liklikam ti aniaman a paglinglingayan a mabalin a mangparasuk iti riknam.

Ti pudno: Saan a dakes ti seksual a rikna. Ngamin, pinarsua ti Dios ti lalaki ken babai nga agduyos iti maysa ken maysa, ken saan a dakes a penken ti seksual a tarigagay iti nagbaetan dagiti agassawa. Isu a no makariknaka iti napigsa a seksual a tarigagay, dimo ipapan a nagdakeska wenno saanka a nadalus iti moral.

Laglagipem: Mabalinmo a pilien no ania ti iserrekmo iti panunotmo. No talaga a kayatmo, kabaelam ti agbalin a nadalus iti panunot ken kababalin!

 

Ammuem ti Ad-adu Pay

Saludsod nga Iyimtuod ti Agtutubo, Tomo 1

Ti dadduma kadagiti topiko a nailawlawag ket maipapan iti arak ken droga, seksual a moralidad, pannakideyt ken panaginnarem.