Mapan iti linaonna

Mapan iti listaan dagiti linaonna

 PANAGBIAG KAS KRISTIANO

Mabembenepisiaranka Kadi iti Panangsukimat iti Kasuratan iti Inaldaw?

Mabembenepisiaranka Kadi iti Panangsukimat iti Kasuratan iti Inaldaw?

Karaman kadi iti naespirituan a rutinam ti panagbasa iti inaldaw a teksto ken komento iti Panangsukimat iti Kasuratan iti Inaldaw? No saan, mabalin kadi nga iramanmo iti rutinam? Adu ti agteksto iti bigat isu a mabalinda a pampanunoten dagiti puntona bayat nga agtrabtrabahoda. (Jos 1:8; Sal 119:97) Kasano a mas mabenepisiaranka iti teksto? Basaem ti konteksto ti bersikulo ti Biblia tapno maammuam ti dadduma nga impormasion. Padasem a panunoten ti maysa a salaysay iti Biblia a mangipakita iti prinsipio nga intampok ti teksto sa iyaplikarmo dayta a prinsipio iti biagmo. No agpaiwanwanka iti Sao ti Dios no agdesisionka, makatulong dayta iti biagmo ken talaga a mabenepisiaranka.—Sal 119:105.

Iti intero a lubong, us-usigen ti pamilia ti Bethel ti Panangsukimat iti Kasuratan iti Inaldaw iti oras ti pammigat. Kadagiti nabiit pay a tawen, adu kadagitoy a programa ti naikabil iti JW Broadcasting® iti kategoria a PROGRAMA KEN OKASION. Kaano ti naudi a panangbuyam iti maysa wenno ad-adu pay kadagita? Mabalin a dadduma kadagita ti eksakto a kasapulam. Kas pagarigan, kasano a ti salaysay maipapan ken Lot ket mabalin a makatulong iti panagdesisionmo?

BUYAEN TI VIDEO A DIYO AYATEN TI LUBONG (1JN 2:15) SA SUNGBATAN DAGITOY:

  • Ania a prinsipio ti Biblia ti nakaibatayan daytoy a Panagdaydayaw iti Agsapa?

  • Kasano nga ipakita ti pakasaritaan ni Lot ti peggad ti panagayat iti lubong wenno kadagiti bambanag nga adda iti dayta?—Ge 13:12; 14:12; 19:3, 12, 13, 24-26

  • Kasano a maipakitatayo nga ay-ayatentayo ni Jehova imbes a ti lubong wenno dagiti bambanag nga adda iti dayta?

Kasano a maipakitak iti agmalmalem nga ipatpategko ti Sao ni Jehova?