Mapan iti linaonna

Mapan iti listaan dagiti linaonna

 PANAGBIAG KAS KRISTIANO

Laglagipenyo ti Asawa ni Lot

Laglagipenyo ti Asawa ni Lot

Apay a timmaliaw ti asawa ni Lot idi pumampanaw idiay Sodoma? Saan nga ibaga ti Biblia. (Ge 19:17, 26) Ipakita ti konteksto ti pakdaar ni Jesus a mabalin a masayangan kadagiti bambanag a nabatina. (Lu 17:31, 32) Kasano a maliklikantayo a mapukaw ti pabor ti Dios, a kas iti napasamak iti asawa ni Lot? Masapul a ditay ipangpangruna ti panagbirok iti material a pagnam-ayan. (Mt 6:33) Insuro ni Jesus a ‘saantayo a mabalin ti agpaadipen iti Dios ken iti Kinabaknang.’ (Mt 6:24) Ngem kasanon no madlawtayo a maib-ibus ti tiempotayo iti naespirituan a banag gapu kadagiti material a banag? Ikararagtayo ken Jehova a tulongannatayo a mangilasin no ania ti rumbeng a balbaliwantayo ken dumawattayo iti tured ken bileg a mangaramid iti dayta.

LAGIPENYO TI TALLO TI PASETNA A VIDEO A LAGLAGIPENYO TI ASAWA NI LOT, SA SUNGBATAN DAGITI SUMARUNO A SALUDSOD:

  • Kasanok a maipakita babaen ti aramid a ‘silalagipak iti asawa ni Lot’?

    Kasano a ti pannakapilit nga agpabaknang inapektaranna ti panagpampanunot, panagsasao, ken panagtigtignay ni Gloria?

  • Ania ti masursurotayo iti napasamak iti asawa ni Lot?

  • Kasano a nakatulong ken ni Joe ken iti pamiliana ti panangyaplikar kadagiti prinsipio ti Biblia?

  • Kasano a naapektaran ti espiritualidad ni Anna iti pannakikadkaduana kadagiti katrabahuanna?

  • Apay a kasapulantayo ti tured no pilitendatayo a mangyun-una iti panagbirok iti kuarta?

  • Kasano a naipangpangruna manen da Brian ken Gloria dagiti naespirituan a banag?

  • Ania dagiti prinsipio ti Biblia a nakitam iti daytoy a video?