Mapan iti linaonna

Mapan iti listaan dagiti linaonna

 KANTA 114

“Agan-anuskayo”

Agpili iti Audio Recording
“Agan-anuskayo”
VIEW

(Santiago 5:8)

  1. 1. Ti Dios a ni Jehova,

    Wen, nasantuan ti naganna.

    Nupay inum-umsida,

    Padayagennanto dayta.

    Iti adun a siglo,

    Isu ket agan-anus

    Ta ti pagayatanna

    Taot’ maisalakan.

    Gapu iti ayatna,

    Saan pulos a mauma.

    Naanus ni Jehova;

    Agballigi ti panggepna.

  2. 2. No addat’ kinaanus,

    Maparagsaktayo ti Dios,

    Isiptay ket natalna,

    Malapdantay a gumura.

    Galad a positibo

    Isut’ kitaentayo.

    Saantay nga agdanag

    Dumteng man ti rigat;

    Espiritun’ Jehova

    Ti tumulong kadatayo.

    Intay ngad agan-anus

    Tapno matuladtay ti Dios.