Mayo 25-31
ISAIAS 65-66
Kanta 24 ken Kararag | Panglukat a Sasao (1 min.)
1. Ipatpategtayo ti Naespirituan a Paraiso!
(10 min.)
Nakaad-adu ti naespirituan a taraon dagiti adipen ti Dios iti naespirituan a paraiso (Isa 65:13; cl 275 ¶12, 14)
Tultulongannatayo ti naespirituan a paraiso a mangibtur iti rigat ken problema (Isa 65:14-17; w24.04 22 ¶9-10)
Awan ti pumada iti talna ken kinatalged a mapadpadasantayo (Isa 65:25; w24.04 23 ¶13)
KAIPAPANANNA: Ti termino a “naespirituan a paraiso” iladawanna ti natalged a kasasaad a tagtagiragsaken dagiti agdaydayaw ken Jehova. Iti naespirituan a paraiso, tagtagiragsakentayo ti natalna a relasion ken Jehova ken iti maysa ken maysa.
2. Panagkali iti Naespirituan a Gameng
(10 min.)
-
Isa 66:24—Kasano a makatulong daytoy a teksto tapno maawatantayo ti sasao ni Jesus iti Marcos 9:47, 48 maipapan iti Gehenna? (it “Gehenna” ¶6-7)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Isa 65:17-25 (th adalen 10)
4. Panangirugi iti Saritaan
(3 min.) DI PORMAL A PANANGASABA. Mangbirok iti natural a pamay-an a mayam-ammom ti bagim kas maysa a Saksi ni Jehova. (lmd leksion 5 punto 3)
5. Panangirugi iti Saritaan
(2 min.) PANANGASABA ITI PUBLIKO. Kayat ti kasarsaritam ti makiriri kenka. (lmd leksion 4 punto 5)
6. Panangirugi iti Saritaan
(3 min.) PANAGBALAYBALAY. Mangusar iti tract a mangirugi iti saritaan. (lmd leksion 1 punto 4)
7. Panangilawlawag iti Patpatien
(3 min.) Demostrasion. ijwbq artikulo 87—Tema: Siasino ti Antikristo? (th adalen 17)
Kanta 80
8. Pampanunotem Kadi nga Adu Unay ti Isakripisiom?
(15 min.) Pagsasaritaan.
Pampanunotem kadi ti ag-regular pioneer ngem madanaganka a dakkel unay ti isakripisiom no agpayunirka? Wenno napampanunotmo kadin, ‘Apay koma nga agsakripisioak pay no amin met nga agserserbi ken Jehova ket agbiagto nga agnanayon?’ No kasta ti pampanunotem, laglagipem a “saan nga ipaidam ni Jehova ti aniaman a naimbag” kadagidiay agtalek kenkuana. (Sal 84:11, 12) Ngem ti agpayso, nagdakkel a pukawtayo no ipaidamtayo ken Jehova ti kasayaatantayo.
Maawattayo dagiti bendision ni Jehova saan laeng nga iti masanguanan no di ket uray pay itan. I-play ti VIDEO nga Ania ti Aramidenyo ‘Maigapu iti Naimbag a Damag’? Kalpasanna, isaludsod daytoy:
-
Ania dagiti bendision nga inawat dagiti agtutubo gapu ta pinilida ti mas agpausar ken Jehova?
Kasanon no saan nga ipalubos ti kasasaadmo a makapagpayunirka? Bendisionan ni Jehova dagidiay mangit-ited kenkuana iti kasayaatanda. Isu nga itultuloymo nga ited kenkuana ti kasayaatam, ta sigurado nga ‘ibukbokna kenka ti bendision agingga nga adda aminen a kasapulam.’—Mal 3:10.
9. Panagadal ti Kongregasion iti Biblia
(30 min.) lfb leksion 88-89
