Mayo 18-24
ISAIAS 62-64
Kanta 44 ken Kararag | Panglukat a Sasao (1 min.)
1. Ti Naayat ken Naasi nga Agdamdamili
(10 min.)
Kaasiannatayo ni Jehova uray no datayo ti makimbasol kadagiti rigat a mapaspasarantayo (Isa 63:9; cl 253-254 ¶7-9)
Tulongannatayo ngem saannatayo nga ilisi kadagiti resulta ti kamalitayo (w23.08 28-29 ¶8-9)
No ipalubostayo nga agtultuloy a sukogennatayo ni Jehova, agbalintayo a napateg kenkuana (Isa 64:8; w13 9/15 20 ¶15-17)
2. Panagkali iti Naespirituan a Gameng
(10 min.)
-
Isa 63:10—Ania ti isuro kadatayo daytoy a teksto maipapan iti kinaanus ni Jehova? (it “Asi” ¶11)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Isa 64:4-12 (th adalen 12)
4. Panangirugi iti Saritaan
(3 min.) PANANGASABA ITI PUBLIKO. Ammuem ti topiko a paginteresan ti kasarsaritam ken iyurnosmo a kasaritamto manen. (lmd leksion 1 punto 5)
5. Pannakisarita Manen
(4 min.) PANAGBALAYBALAY. Ipakitam ken pagsaritaanyo ti maysa a video iti Toolbox iti Panangisuro. (lmd leksion 9 punto 4)
6. Panagaramid iti Adalan
(5 min.) lff 254 kahon “Nakasaganaak Kadin a Mangasaba a Kadua ti Kongregasion?” Pagsaritaanyo iti iyad-adalam iti Biblia dagiti aramidenna tapno makualipikar kas di bautisado nga agibumbunannag. (lmd leksion 12 punto 3)
Kanta 115
7. Saganaam Dagiti Didigra—Uray Dagiti Saanmo nga Ekspektaren
(15 min.) Pagsasaritaan. Iparang ti maysa a panglakayen. Iraman dagiti palagip ti sangay ken ti bagi dagiti panglakayen, no adda.
Mabalin a bigla ken saantay a mapakadaan dagiti didigra, agraman dagiti naranggas a panangatake. (Ec 9:11) Uray no aggigianka iti lugar a saan a gagangay dagiti kalamidad, nasayaat no saganaam latta dagita. (Pr 22:3) Kasanoka a makapagsagana?
-
No addaka iti ruar, agbalinka nga alerto iti aglawlawmo, ken siguraduem no sadino ti ayan dagiti emergency exit, lalo kadagiti natao a lugar
-
Tapno masaganaam dagiti kalamidad, isaganam ti go bag-mo a ken siguraduem nga adda dagiti suplay iti balayyo. Iplanom met no sadino ti papananyo no kasapulanyo ti agbakuit ken adda koma kenka ti contact information ti pamiliam ken gagayyemmo.—g17.5 4
I-play ti VIDEO a Saganaam Dagiti Didigra—Uray Dagiti Saanmo nga Ekspektaren. Kalpasanna, isaludsod dagitoy:
-
Ania ti dati a panagrikna dagiti kakabsat maipapan iti panagsagana para kadagiti didigra?
-
Ania dagiti inaramidda tapno masiguradoda a nakasaganada?
-
Kasano a binendisionan ni Jehova dagiti inaramidda a panagsagana?
-
Ania ti nasursuroda iti kapadasanda?
ISALUDSODMO ITI BAGIM, ‘Kasano nga ipakita ti panagsaganak kadagiti didigra a resrespetuek ni Jehova?’
PLANO: No mapanka kadagiti natao a lugar iti daytoy lawas, isaludsodmo iti bagim, ‘Sadino ti kaasitgan nga emergency exit?’
8. Panagadal ti Kongregasion iti Biblia
(30 min.) lfb leksion 86, intro ti seksion 13, ken leksion 87
Pangserra a Sasao (3 min.) | ken Kararag
a Kitaen ti kahon a “Kompleto Kadin ti Kasapulam?” iti Agriingkayo! No. 5 2017, p. 6.
