Hunio 9-15
PROVERBIO 17
Kanta 157 ken Kararag | Panglukat a Sasao (1 min.)
Agassawa nga Israelita a mangmangan iti simple a makan iti balay nga addaan talna
1. Pagtalinaedenyo ti Talna iti Panagasawayo
(10 min.)
Saan a nalaka a pagtalinaeden ti talna iti relasionyo nga agassawa, ngem pagsayaatanyo no ikagumaanyo nga aramiden dayta (Pr 17:1; kitaen ti ladawan)
Diyo padakkelen dagiti babassit a banag (Pr 17:9; g 9/14 11 ¶2)
Kontrolenyo ti emosionyo (Pr 17:14; w08 5/1 10 ¶6–11 ¶1)
2. Panagkali iti Naespirituan a Gameng
(10 min.)
-
Pr 17:24—Ania ti kayat a sawen no “agallaalla ti mata ti maag iti pagpatinggaan ti daga”? (it-2 287 ¶2)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Pr 17:1-17 (th adalen 10)
4. Panangirugi iti Saritaan
(3 min.) DI PORMAL A PANANGASABA. (lmd leksion 3 punto 5)
5. Panangirugi iti Saritaan
(4 min.) PANANGASABA ITI PUBLIKO. Iyawis ti panagadal iti Biblia. (lmd leksion 6 punto 4)
6. Palawag
(5 min.) ijwbv artikulo 60—Tema: Ania ti Kaipapanan ti Proverbio 17:17? (th adalen 13)
Kanta 113
7. Iyugaliyo nga Aramiden Dagiti Mangpasayaat iti Komunikasion ti Pamiliayo
(15 min.) Pagsasaritaan.
Nagpateg ti nasayaat a komunikasion tapno naragsak ti pamilia. No maibaga dagiti agkakapamilia ti pampanunoten ken marikriknada, maaramidda dagiti kayatda a mapasamak iti pamiliada ken masuportaranda ti maysa ken maysa no maipasangoda iti narigat a situasion. (Pr 15:22) Ania dagiti mabalinyo nga aramiden tapno mapasamak dayta iti pamiliayo?
Iyeskediulyo ti agkakadua. (De 6:6, 7) No dagiti agkakapamilia ket agkakadua nga agtrabaho, agkakadua a makigimong ken mangasaba, ken agkakadua nga agrelaks, ad-adda nga ayaten ken pagtalkanda ti maysa ken maysa. Ad-adu pay no kua ti tiempoda a naragsak nga agsasarita. No dadduma, baka kasapulan a pagustuan ti maysa ti kayat nga aramiden ti dadduma a kapamiliana, imbes a ti kayatna. Maipariknana no kua nga ay-ayatenna ida, ket sulit dayta a panagsakripisiona! (Fil 2:3, 4) Ania dagiti mabalinyo nga aramiden tapno mausaryo ti tiempoyo iti kasayaatan a pamay-an no agkakaduakayo?—Efe 5:15, 16.
I-play ti VIDEO a Surotenyo ti Mapa a Mangiturong iti Natalna a Pamilia—Pasayaaten ti Komunikasion. Kalpasanna, isaludsod dagitoy:
-
Ania dagiti saan a nasayaat nga epekto ti di umiso a panangusar kadagiti gadyet iti komunikasion ti pamilia?
-
Ania pay dagiti nasursurom iti daytoy a video maipapan iti nasayaat a komunikasion?
Dumngegkayo a naimbag. (San 1:19) Mabalin a saan nga agibaga dagiti ubbing iti marikriknada no mabutengda a baka ungtan wenno saan ida a maawatan dagiti nagannakda. Isu a no adda naibaga ti anakmo a pakadanagam, saanmo koma a dagus nga ungtan. (Pr 17:27) Makipagriknaka ketdi ken dumngegka a naimbag kenkuana. Ikagumaam a tarusan ti mapampanunot ken marikriknana tapno maipasiguradom nga ay-ayatem latta isuna wenno matulongam iti naayat a pamay-an.
8. Panagadal ti Kongregasion iti Biblia
(30 min.) bt kap. 27 ¶19-22, kahon iti p. 212
