Agosto 25-31
PROVERBIO 28
Kanta 150 ken Kararag | Panglukat a Sasao (1 min.)
1. Ti Nagdumaan ti Dakes ken ti Nalinteg
(10 min.)
Takrot ti dakes a tao, ngem napigsa ti pakinakem ti nalinteg a tao (Pr 28:1; w93 5/15 26 ¶2)
Saan a makaaramid ti dakes a tao iti nasayaat a desision; makaaramid ti nalinteg a tao iti nasaysayaat a desision (Pr 28:5; it-2 827 ¶6)
Napatpateg ti nalinteg a tao uray marigrigat, ngem iti dakes a tao uray nabaknang (Pr 28:6; it-2 8 ¶4)
2. Panagkali iti Naespirituan a Gameng
(10 min.)
-
Pr 28:14—Ania ti ipakpakdaar daytoy a proverbio? (w01 12/1 12 ¶1)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Pr 28:1-17 (th adalen 10)
4. Panangirugi iti Saritaan
(3 min.) PANAGBALAYBALAY. Pagsaritaan ti maipapan iti panagpatingga ti gubat ken kinaranggas. (lmd leksion 5 punto 5)
5. Panangirugi iti Saritaan
(3 min.) PANAGBALAYBALAY. Pagsaritaan ti maipapan iti panagpatingga ti gubat ken kinaranggas. (lmd leksion 5 punto 4)
6. Panangirugi iti Saritaan
(2 min.) PANANGASABA ITI PUBLIKO. Pagsaritaan ti maipapan iti panagpatingga ti gubat ken kinaranggas. (lmd leksion 1 punto 4)
7. Panangirugi iti Saritaan
(3 min.) DI PORMAL A PANANGASABA. Pagsaritaan ti maipapan iti panagpatingga ti gubat ken kinaranggas. (lmd leksion 2 punto 4)
Kanta 112
8. Kaguram Kadi ti Kinaranggas?
(6 min.) Pagsasaritaan.
Nangrugi ti kinaranggas ken Satanas a Diablo, ti inawagan ni Jesus a “mammapatay.” (Jn 8:44) Kalpasan a nakikadua dagiti anghel iti panagrebelde ni Satanas, immadu ti kinaranggas nga uray la nadadael ti daga iti imatang ti Dios. (Ge 6:11) Bayat nga umas-asideg ti panagpatingga ti naranggas a lubong ni Satanas, umad-adu met ti tattao a nauyong ken awanan panagteppel.—2Ti 3:1, 3.
Basaen ti Salmo 11:5. Kalpasanna, isaludsod dagitoy:
-
Ania ti marikrikna ni Jehova kadagidiay mangay-ayat iti kinaranggas, ken apay?
-
Kasano a makitkita kadagiti sikat nga isport, pabuya, musika, ken pagbasaan a magusgustuan unayen ti lubong ti kinaranggas?
Basaen ti Proverbio 22:24, 25. Kalpasanna, isaludsod dagitoy:
-
Kasano a mabalin a maimpluensiaan ti kapanunotantayo iti kinaranggas gapu kadagiti pilpilientayo nga ay-ayam, pabuya, musika, pagbasaan, ken kadagiti tattao a kadkaduatayo?
-
Kasano a dagiti pilpilientayo nga ay-ayam, pabuya, musika, ken pagbasaan mabalin nga ipakitana nga ay-ayatentayo ti kinaranggas?
9. Espesial a Kampania iti Septiembre
(9 min.)
Palawag ti manangaywan iti serbisio. Paregtaem dagiti kakabsat a makiraman iti kampania ken ibaga dagiti urnos ti kongregasion.
I-play ti VIDEO nga Agarinton ti Talna! (Kanta iti 2022 a Kombension).
10. Panagadal ti Kongregasion iti Biblia
(30 min.) lfb leksion 12-13
