Zacarias 9:1-17

  • Pannusa ti Dios kadagiti kaarruba a nasion (1-8)

  • Ti iyaay ti Ari ti Sion (9, 10)

    • Nakasakay iti asno ti napakumbaba nga ari (9)

  • Mawayawayaan dagiti tattao ni Jehova (11-17)

9  Maysa a pakaammo: “Ti mensahe ni Jehova ket maibusor iti daga ti Hadrak,Ket ti Damasco ti puntiriana*+—Ta kitkitaen ni Jehova dagiti tattao+Ken ti amin a tribu ti Israel—   Ken maibusor iti Hamat+ a kaarrubana,Ken maibusor iti Tiro+ ken Sidon,+ ta masiribda unay.+   Nangibangon ti Tiro iti nangato a paderna.* Nagakup iti pirak a kas iti kaadu ti tapokNagurnong iti balitok a kas iti kaadu ti rugit iti kalsada.+   Alaento ni Jehova dagiti sanikuana,Papatayennanto iti baybay dagiti armada ti Tiro;+Ket puorannanto dayta a siudad agingga a dumapo.+   Makitanto dayta ti Askelon ket agbuteng;Nakaronto ti rigat ti Gaza,Ken uray ti Ekron, ta naibabainen ti pangnamnamaanna. Addanto matay nga ari idiay Gaza,Ken awanton ti agnaed iti Askelon.+   Addanto bastardo nga anak nga agnaed iti Asdod,Ket pukawekto ti pagtangtangsit ti Filistia.+   Ikkatekto iti ngiwatna dagiti adda darana a taraonKen dagiti narugit a banag a naisingat kadagiti ngipenna,Asinoman a makalasat ket agbatinto para iti Diostayo;Ken agbalin a kas iti shik* iti Juda,+Ken agbalinto dagiti umili ti Ekron a kas kadagiti Jebuseo.+   Agkampoakto iti ruar nga agguardia iti balayko,+Tapno awan ti makastrek ken makaruar;Ket awanto ti sumrek manen a mangidadaulo kadagiti trabahador,*+Ta nakitak a mismo dayta.*   Agrag-oka unay, O anak a babai ti Sion. Agriawka gapu iti balligi, O anak a babai ti Jerusalem. Kitaem! Um-umayen kenka ti arim.+ Isu ket nalinteg ken mangisalakan,*Napakumbaba+ ken nakasakay iti asno,Iti kalakian nga urbon ti kabaian nga asno.+ 10  Dadaelekto dagiti karuahe a pakigubat ti EfraimKen patayek dagiti kabalio iti Jerusalem. Tukkolekto dagiti pana dagiti mannakigubat. Iwaragawagnanto ti kappia kadagiti nasion;+Ti panagturayna ket manipud iti baybay agingga iti baybayKen manipud iti Karayan* agingga kadagiti pungto ti daga.+ 11  No maipapan kenka, O Sion, gapu iti tulaganta a napatalgedan iti dara,Paruarekto dagiti tattaom a naibalud iti abut nga awan danumna.+ 12  Agsublikayo iti natalged a lugar, dakayo a balud a mangin-inanama.+ Ibagak kenka ita, O Sion,‘Dobliekto ti itedko kenka a bendision.+ 13  Usarekto* ti Juda a kas bai. Usarekto ti Efraim a kas pana,Ket riingekto dagiti annakmo, O Sion,Maibusor kadagiti annakmo, O Grecia,Ket pagbalinenkanto a kas espada ti mannakigubat.’ 14  Ipakitanto ni Jehova a tultulonganna dagiti tattaona,Ket ibiatna ti panana a kasla kimat. Puyotento ti Kangatuan* nga Apo a ni Jehova ti tangguyob,+Ket gubatennanto dagiti kabusor a kas iti bagyo iti abagatan. 15  Salaknibanto ida ni Jehova a panguluen dagiti armada,Ket saandanto a maan-ano kadagiti bato ti pallatibong dagiti kabusor.+ Agriawdanto a siraragsak a kasda la nakainum iti arak;Mapnodanto a kas iti malukong,Kas kadagiti suli ti altar.+ 16  Iti dayta nga aldaw, isalakanto ida ni Jehova a DiosdaKas iti panangisalakan ti pastor kadagiti karnerona;+Ta agrimatrimatdanto iti dagana a kas kadagiti agkakapateg a bato iti maysa a korona.+ 17  Ta kasta unay ti kinaimbagna,+Ken kasta unay ti kinadayagna! Ti taraon ti mangpasalun-atto kadagiti babbaro,Ken ti kaar-aramid nga arak ti mangpasaranta kadagiti babbalasang.”+

Footnotes

Wenno “nakaipamaysaanna.”
Wenno “baluartena.”
Panguluen ti tribu.
Wenno “mangirurumen.”
Nalawag a ti panagrigrigat dagiti tattaona.
Wenno “naballigi.”
Kayatna a sawen, ti Eufrates.
Lit., “Baddekekto.”
Wenno “Soberano.”