Zacarias 10:1-12
10 “Agkiddawkayo ken ni Jehova iti tudo iti naladaw a panagtutudo.
Ni Jehova ti mangar-aramid kadagiti ulep ti bagyo,Isu ti mangmangted iti tudo,+Ken mangpabpabunga iti mulmula iti talon dagiti tattao.
2 Ta nagsao dagiti terafim nga estatua* iti makaallilaw;*Ket saan a pudno a sirmata ti nakita dagiti mammuyon.
Isarsaritada dagiti saan nga agpayso a tagtagainep,Ken awan serserbina ti panangpadasda a mangliwliwa.
Isu a mawarawarada a kas kadagiti karnero.
Maparigatanda ta awan ti mangipastor.
3 Makapungtotak unay kadagiti pastor,Ken dusaekto dagiti mangirurrurumen a lider;*Ta ni Jehova a panguluen dagiti armada inasikasona dagiti karnerona+ iti sangakabbalayan ti Juda,Ket pinagbalinna ida a kas napigsa ken nangayed a kabaliona iti paggugubatan.
4 Aggapu kenkuana ti pangulo,*Aggapu kenkuana ti katulongan nga agturay,*Aggapu kenkuana ti pana dagiti mannakigubat;Aggapu kenkuana ti tunggal manangaywan,* isuda amin.
5 Agbalindanto a kas kadagiti mannakigubatA mangbaddebaddek kadagiti napitak a kalsada iti paggugubatan.
Makigubatdanto, ta adda kadakuada ni Jehova;+Ket maibabainto dagiti nakasakay iti kabalio.+
6 Patibkerekto ti sangakabbalayan ti Juda,Ken isalakankonto ti sangakabbalayan ni Jose.+
Isublikto ida,Ta kaasiakto ida;+Ken kaslanto diak pulos inlaksid ida;+Ta siak ni Jehova a Diosda, ket sungbatakto ida.
7 Agbalinto dagiti tattao iti Efraim a kas iti nabileg a mannakigubat,Ket agragsakdanto a kasda la nakainum iti arak.+
Makitanto dayta dagiti annakda ket makipagragsakda;Agragsakdanto gapu iti inaramid ni Jehova.+
8 ‘Sultipakto ida ken ummongek amin ida;Ta sakaekto ida,+ ket umadudanto,Ken agtultuloydanto nga umadu.
9 Nupay iwarisko ida a kasla bin-i iti nadumaduma nga ili,Malagipdakto inton addada kadagiti adayo a lugar;Kaduadanto dagiti annakda a makaungar ket agsublida.
10 Alaekto ida idiay Egipto
Ken ummongek ida manipud idiay Asiria;+Ipanko ida iti daga ti Gilead+ ken Lebanon,Ta awanton ti umdas a lugar para kadakuada.+
11 Inton lapdan ti baybay ti dalanda,Lumasatakto ket kabilek dagiti dalluyonna;+No makalappedto ti Nilo iti pagnaanda,Pagmagaekto ti amin a danumna.
Maipababanto ti pagtangtangsit ti Asiria,Ket mapukawto ti mismo a setro ti Egipto.+
12 Siak ni Jehova, pagbalinekto ida a natan-ok,+Ket agbiagdanto iti wagas a maidaydayaw ti naganko,’+ kuna ni Jehova.”
Footnotes
^ Wenno “didiosen ti pamilia; idolo.”
^ Wenno “karkarna; misterio.”
^ Lit., “dagiti kalakian a kalding.”
^ Lit., “ti makinsuli a torre” a mangiladawan iti napateg a tao; maysa a panguluen.
^ Lit., “ti pasok” a mangiladawan iti maysa a mangsuportar.
^ Wenno “mangidadaulo kadagiti trabahador.”
