Mikias 7:1-20

  • Dakes ti moral a kasasaad ti Israel (1-6)

    • Ti kabusor ti maysa ket dagiti miembro ti pamiliana (6)

  • “Ipakitakto nga agur-urayak” (7)

  • Naalangon dagiti tattao ti Dios (8-13)

  • Kararag ken panangidaydayaw ni Mikias iti Dios (14-20)

    • Sungbat ni Jehova (15-17)

    • ‘Asino ti Dios a kas ken Jehova?’ (18)

7  Kaasiak pay! Kaslaak la iti daydiay tao,A kalpasan ti panagburas iti prutas ti kalgawKen panagadas kalpasan ti panagburas iti ubas,Awan ti masarakanna a sangaraay nga ubas a kanenna,Ken awan ti nasapa a higos a tartarigagayak* a kanen.   Awanen* ti napudno ditoy daga;Awan ti nalinteg kadagiti tattao.+ Agtambangda amin tapno mangpapatayda.+ Anupen ti tunggal maysa ti kabsatna iti iket.   Nalaing dagiti imada nga agaramid iti dakes;+Agdawat ti prinsipe,Agpabayad ti hues,+Ipakaammo ti prominente dagiti kayatna,*+Ket pagtutulaganda dayta.*   Ti kalainganda ket kas kadagiti siit,Ti kalilintegan kadakuada ket nakarkaro ngem iti sisiit nga alad. Ngem dumtengto ti aldaw dagiti parabantayyo ken ti pannakasingiryo,+ Ket matarantadanto.+   Diyo patpatien ti kaduayo.Wenno diyo pagtalkan ti nadekket a gayyemyo.+Annadanyo ti ibagayo iti agid-idda a kain-innarakupyo.   Ta ti anak a lalaki kagurana ti amana,Ti anak a babai kontraenna ti inana,+Ken ti manugang a babai kontraenna ti katuganganna a babai;+Dagiti kabusor ti maysa a tao ket dagiti miembro ti pamiliana.+   Ngem itultuloykonto a padaanan ni Jehova.+ Agurayakto* iti Dios a mangisalakan kaniak.+ Denggennakto ti Diosko.+   Dinak katkatawaan, O kabusorko.* Uray natumbaak, bumangonakto;Uray nasipnget ti pagnanaedak, ni Jehova ti silawko.   Ibturakto ti pungtot ni Jehova—Ta nakabasolak kenkuana+Agingga nga ilabanna ti kasok ken itedna kaniak ti hustisia. Iruarnakto nga ipan iti lawag;Makitakto ti kinalintegna. 10  Makitanto met ti kabusorko,Ken marunawto iti bain daydiay nangibaga kaniak: “Ayanna ni Jehova a Diosmo?”+ Makitakto ti kabusorko A mapayatpayatan a kasla pitak kadagiti kalsada. 11  Aldawto dayta a panangbangon kadagiti bato a padermo;Iti dayta nga aldaw, lumawanto ti sakupmo.* 12  Iti dayta nga aldaw, umaydanto kenka Manipud Asiria ken kadagiti siudad iti Egipto,Manipud Egipto agingga iti Karayan;*Manipud iti ballasiw-taaw ken kabambantayan.+ 13  Ket maigapu kadagiti umilina, malangalangto ti daga,Kas resulta dagiti inaramidda.* 14  Ipastoram ti ilim babaen ti sarukodmo, ti arban a tawidmo,+Daydiay agmaymaysa nga aggigian iti bakir—iti tengnga ti kakaykaywan. Bay-am ida a mangan idiay Basan ken Gilead+ a kas idi un-unana. 15  “Kas idi tiempo a rimmuarkayo idiay Egipto,Ipakitakto kenkuana dagiti nakaskasdaaw a bambanag.+ 16  Makitanto dagiti nasion ket mabainanda uray nabilegda.+ Apputendanto dagiti ngiwatda;Agbalinto a tuleng dagiti lapayagda. 17  Agdilpatdanto iti tapok kas kadagiti uleg;+Kasladanto kadagiti reptilia iti daga nga agpigpigerger a rummuar iti paglemmenganda. Maam-amakdanto nga umasideg ken Jehova a Diostayo,Ket mabutengdanto kenka.”+ 18  Asino ti Dios a kas kenka,A mangpakpakawan ken mangpalpalabas iti basol+ dagiti nabati iti tawidna?+ Saan nga agnanayon ti pungtotna,Ta pagragsakanna ti napudno nga ayat.+ 19  Kaasiannatayto manen;+ parmekennanto* dagiti kamalitayo. Ipalladawnanto ti amin a basoltayo iti adalem a baybay.+ 20  Ipakitamto ken Jacob ti kinamatalekmo,Ipakitamto ken Abraham ti napudno nga ayatmo,Kas insapatam kadagidi ammami idi un-unana.+

Footnotes

Wenno “tartarigagayan ti kararuak.”
Wenno “Nagpukawen.”
Wenno “dagiti tartarigagayan ti kararuana.”
Lit., “lagalagaenda dayta.”
Wenno “Agurayakto a siaanus.”
Iti Hebreo, ti sao para iti “kabusor” ket tumukoy iti babai.
Wenno mabalin nga, “adayonto ti bilin.”
Kayatna a sawen, ti Eufrates.
Lit., “Gapu iti bunga dagiti aramidda.”
Wenno “payatennanto; abakennanto.”