Mikias 6:1-16

  • Ti darum ti Dios maikontra iti Israel (1-5)

  • Ania ti kayat ni Jehova nga aramiden ti tao? (6-8)

    • Kinahustisia, panagbalin a napudno, kinaemma (8)

  • Ti basol ken dusa ti Israel (9-16)

6  Pangngaasiyo ta dumngegkayo iti ibagbaga ni Jehova. Agsaganakayo, idatagyo ti kasoyo iti sango dagiti bantay,Ket sapay koma ta mangngeg dagiti turod ti timekyo.+   O bambantay, denggenyo ti darum ni Jehova,Dakayo a natibker a pundasion ti daga,+Ta idarum ni Jehova ti ilina;Denggenyo ti argumentona a maibusor iti Israel:+   “O tattaok, ania aya ti inaramidko kadakayo? Adda aya impaaramidko a nangpadagsen kadakayo?+ Agtestigokayo maibusor kaniak.   Ta inruarkayo idiay Egipto,+Sinubbotkayo iti lugar a nakaadipenanyo;+Imbaonko kadakayo da Moises, Aaron, ken Miriam.+   O tattaok, pangngaasiyo ta lagipenyo ti plano idi ni Ari Balak ti Moab,+Ken ti insungbat kenkuana ni Balaam nga anak ni Beor+—No ania dagiti napasamak manipud Sitim+ agingga idiay Gilgal+Tapno maammuanyo koma dagiti nalinteg nga aramid ni Jehova.”   Ania ti itedko ken Jehova inton sumangoak kenkuana? Ania ti itugotko inton agdaydayawak iti Dios nga adda idiay langit? Mangtedak kadi kadagiti sibubukel a daton a mapuoran,Ken kadagiti urbon a baka nga agtawen iti maysa?+   Maragsakanto aya ni Jehova iti rinibu a kalakian a karneroKen iti pinullo a ribu a pagay-ayusan iti lana?+ Itedkonto aya ti inauna nga anakko gapu iti panagrebeldek,Ti bunga ti bagik gapu iti basolko?*+   O tao, imbagana kenka no ania ti naimbag. Ket ania aya ti kayat* ni Jehova nga aramidem? Ti laeng panangipakitam iti kinahustisia,*+ ti panangipategmo iti panagbalin a napudno,*+Ken ti panagbalinmo a naemma+ iti pannakipagnam iti Diosmo!+   Agay-ayab ti timek ni Jehova iti siudad;Agbutengto iti naganmo dagidiay addaan iti praktikal a sirib. Ipangagyo ti pannusa ken daydiay nangted iti dayta.+ 10  Adda pay la kadi dagiti gameng ti kinadakes iti balay ti managdakdakes,Ken ti kurang nga efa* a makarimon? 11  Agbalin kadi a nadalus* ti panagbiagko no agusarak kadagiti saur a timbanganKen supot nga addaan kadagiti padagsen a bato?+ 12  Ta nakarangranggas dagiti nabaknang a tattaona,Ken agul-ulbod dagiti umilina;+Manangallilaw ti dilada.+ 13  “Isu a kabilenka tapno masugatanka,+Ket baybay-anka gapu kadagiti basolmo. 14  Mangankanto ngem saanka a mapnek;Mabisinkanto latta.+ Aniaman dagiti idulinmo, dimonto masalakniban,Ken aniaman a maitugotmo, itedkonto kadagiti kabusormo. 15  Agmulakanto iti bin-i, ngem saankanto nga agapit. Agpespeskanto iti olibo, ngem saanmonto a mausar ti lana;Ken agaramidkanto iti baro nga arak, ngem saankanto nga uminum iti arak.+ 16  Ta sinurotyo dagiti paglintegan ni Omri ken ti amin a maar-aramid iti balay ni Ahab,+Ken tinungpalyo dagiti balakadda. Isu a pagbalinenkanto a pagbutbutnganKen dagiti agnanaed kenkuana ket mauy-uyawto;*+Ken ibturanyonto ti pananglais kadakayo dagiti tattao.”+

Footnotes

Wenno “gapu iti basol ti kararuak?”
Wenno “kidkiddawen.”
Wenno “panagbalinmo a nalinteg; panagbalinmo a patas.”
Wenno “panagbalinmo a naimbag ken napudno iti panagayatmo.” Lit., “panangayatmo iti napudno nga ayat.”
Kitaem ti App. B14.
Wenno “nga inosente.”
Lit., “banag a masagawisiwanto.”