Mikias 5:1-15

  • Natan-okto ti agturay iti intero a daga (1-6)

    • Aggapu iti Betlehem ti agturay (2)

  • Ti nabati ket agbalinto a kas iti linnaaw ken kas iti leon (7-9)

  • Madalusanto ti daga (10-15)

5  “O anak a babai a madama a mararaut,Ita sugsugatemon ti bagim;Pinalawlawandatayon.+ Baston ti pangtungpada iti pingping ti ukom ti Israel.+   Sika, O Betlehem Efrata,+Maysaka kadagiti kabassitan iti rinibu* ti Juda,Aggapunto kenka ti mangituray iti Israel a mangaramid iti pagayatak,+A ti nagtaudanna ket idi un-unana, manipud iti nabayagen a tiempo.   Isu a baybay-anto ti Dios dagiti tattaonaAgingga iti tiempo a nakaanaken daydiay aganak. Ken ti dadduma a kakabsatna ket agsublinto kadagiti tattao ti Israel.   Agtignayto ken mangipastor babaen ti bileg ni Jehova,+Babaen ti autoridad ti kinatan-ok ti nagan ni Jehova a Diosna. Ket natalgedto ti panagbiagda,+Ta makadanonto iti amin a suli ti daga ti kinatan-okna.+   Mangyegto iti talna.+ No rauten ti Asiria ti dagatayo ken serkenna dagiti natibker a torretayo,+Mangdutoktayonto iti pito a pastor, wen, walo a prinsipe* ti sangatauan a mangbusor kenkuana.   Ipastorandanto ti Asiria babaen ti espada,+Ken dagiti pagserkan iti daga ni Nimrod.+ Ken isalakannatayto iti Asiria,+Inton sakupenna ti dagatayo ken serkenna ti teritoriatayo.   Dagidiay nabati iti sangakabbalayan ni Jacob ket addanto iti tengnga dagiti tattaoA kasla linnaaw manipud ken Jehova,Kasla tudo a mangbasa kadagiti mulmulaA saan a mangnamnama iti taoWenno aguray iti annak dagiti tattao.   Dagidiay nabati iti sangakabbalayan ni Jacob ket maikaduanto kadagiti nasion,Iti tengnga ti adu a tattao,Kas iti leon a kadua dagiti animal iti bakir,Kas iti urbon a leon* a naikadua kadagiti arban ti karnero,A lumasat, tumukma, ken mangrangrangkay;Ket awan ti mangisalakan kadakuada.   Abakemto dagiti kalabanmo,Ket madadaelto ti amin a kabusormo.” 10  “Iti dayta nga aldaw,” kuna ni Jehova,“Patayekto dagiti kabaliom ken perdiek dagiti karuahem. 11  Dadaelekto dagiti siudad iti dagamKen rebbaek ti amin a padermo. 12  Pasardengekto ti panagkulam nga ar-aramidem,*Ket awanto ti salamangkero a mabati kenka.+ 13  Dadaelekto dagiti kinitikitan nga imahenmo ken dagiti adigim,Ket dikanton agruknoy iti aramid dagiti imam.+ 14  Parutekto dagiti sagrado a postem*+Ken dadaelek amin a siudadmo. 15  Gapu iti nakaro a pungtotko, balsektoDagiti nasion a saan a nagtulnog kaniak.”

Footnotes

Wenno “pamilia.”
Wenno “lider.”
Wenno “burboran a bumaro a leon.”
Lit., “dita imam.”
Kitaem ti Glosario.