Mikias 3:1-12
3 Kinunak: “Pangngaasiyo ta dumngegkayo, dakayo nga ulo ti sangakabbalayan ni JacobKen dakayo a komander iti sangakabbalayan ti Israel.+
Saan aya a rumbeng nga ammoyo ti kinahustisia?
2 Ngem kagurayo ti naimbag+ ken ayatenyo ti dakes;+Lapgisenyo ti kudil dagiti tattaok ken ti lasag kadagiti tulangda.+
3 Kanenyo met ti lasag dagiti tattaok+Ken lalatanyo ida,Tuktukkolenyo dagiti tulangda agingga a marumrumek dagita+A kas iti maluto iti kaldero,* kas iti karne iti kaldero.
4 Iti dayta a tiempo, agpatulongdanto ken Jehova,Ngem saannanto ida a sungbatan.
Tallikudannanto ida iti dayta a tiempo,+Gapu kadagiti dakes nga aramidda.+
5 Daytoy ti imbaga ni Jehova maibusor kadagiti propeta a mangyaw-awan kadagiti tattaok,+Ken mangipukpukkaw iti ‘Talna!’+ bayat nga agngalngalngalda.*+Ngem ideklarada* ti gubat maibusor iti daydiay saan a mangted iti isakmolda:
6 ‘Rabii ti addanto kadakayo;+ awanto ti sirmata;+Kinasipngetto laeng ti adda kadakayo, saankayton nga agbuyon.
Lumnek ti init kadagiti propeta,Ken agsipngetto ti aldaw kadakuada.+
7 Maibabainto dagiti managsirmata,+Ken maupayto dagiti mammuyon.
Abbongandanto amin ti imingda,*Ta saanto ida a sungbatan ti Dios.’”
8 Ngem gapu iti espiritu ni Jehova, napnoak iti bilegKen kinahustisia ken pannakabalin,Tapno maibagak ken Jacob ti panagrebeldena ken iti Israel ti basolna.
9 Pangngaasiyo ta denggenyo daytoy, dakayo nga ulo ti sangakabbalayan ni JacobKen dakayo a komander ti sangakabbalayan ti Israel,+A manggurgura iti kinahustisia ken mangkilkillo iti amin a nalinteg,+
10 A mangibangbangon iti Sion babaen ti panangpapatay ken mangibangbangon iti Jerusalem babaen ti kinakillo.+
11 Umawat dagiti liderna* iti pasuksok no mangukomda,+Agpabayad dagiti padina no mangisuroda,+Umawat dagiti propetana iti kuarta* no agbuyonda.+
Ngem kaskasdi nga agtaltalekda ken Jehova,* nga ibagbagada:
“Saan kadi nga adda kadatayo ni Jehova?+
Awanto ti mapasarantayo a didigra.”+
12 Isu a gapu kadakayo,Maaradonto ti Sion a kas iti talon,Agbalinto ti Jerusalem a bunton dagiti rebba,+Ken ti bantay ti Balay* ket agbalinto a kas kadagiti nangato a disso iti bakir.*+
Footnotes
^ Wenno “nalawa ti ngarabna a kaldero.”
^ Wenno mabalin a, “bayat nga adda ngalngalngalenda.”
^ Lit., “pagbalinenda a nasantuan.”
^ Wenno “Apputendanto amin ti ngiwatda.”
^ Lit., “ulona.”
^ Wenno “pirak.”
^ Wenno “ibagbagada nga agtaltalekda ken Jehova.”
^ Wenno “nagsaadan ti templo.”
^ Wenno “kakaykaywan a turod.”
