Malakias 4:1-6

  • Iyaay ni Elias sakbay ti aldaw ni Jehova (1-6)

    • “Agsilnagto ti init ti kinalinteg” (2)

4  “Ta um-umay ti aldaw, a sumsumged a kas iti urno,+ inton agbalin a kas garami ti amin a napannakkel ken amin nga agar-aramid iti dakes. Alun-onento ida ti um-umay nga aldaw,” kuna ni Jehova a panguluen dagiti armada, “ket awanto ti iteddana kadakuada a ramut wenno sanga.  Ngem dakayo a mangidaydayaw* iti naganko, agsilnagto ti init ti kinalinteg, a makapaimbag dagiti rayana;* ket aglagtolagtokayto a kas kadagiti nalukmeg nga urbon a baka.”  “Ipayatpayatyonto dagiti dakes, ta kasladanto tapok iti baba ti dapanyo iti aldaw a panagtignayko,” kuna ni Jehova a panguluen dagiti armada.  “Lagipenyo ti Linteg ni Moises nga adipenko, dagiti regulasion ken pangngeddeng nga imbilinko idiay Horeb a tungpalen ti intero nga Israel.+  “Ibaonko kadakayo ni propeta Elias+ sakbay ti iyaay ti dakkel ken nakaam-amak nga aldaw ni Jehova.+  Isublinanto dagiti puso ti amma iti annak,+ ken dagiti puso ti annak iti amma, tapno saanak nga umay ket dangrak ti daga babaen ti panangdadaelko.”

Footnotes

Lit., “nga agbuteng.”
Lit., “payakna.”