Malakias 1:1-14

  • Ayat ni Jehova iti ilina (1-5)

  • Papadi a mangidatag iti adda depektona a daton (6-14)

    • Agbalin a naindaklan ti nagan ti Dios iti tengnga dagiti nasion (11)

1  Maysa a mensahe: Ti sao ni Jehova iti Israel babaen ken Malakias:*  “Inayatkayo,”+ kuna ni Jehova. Ngem imbagayo: “Kasano nga inayatnakami?” “Saan kadi a ni Esau ti kabsat ni Jacob?”+ kuna ni Jehova. “Ngem inayatko ni Jacob,  ket ginurak ni Esau;+ ken awanto ti agnaed kadagiti bantayna+ ket intedko ti tawidna kadagiti chakal iti let-ang.”+  “Nupay ibagbaga ti Edom, ‘Nadadaelkami, ngem agsublikaminto ken bangonenmi dagiti rebba,’ daytoy ti kuna ni Jehova a panguluen dagiti armada, ‘Mangbangondanto, ngem rebbaekto, ket maawagandanto iti “teritoria ti kinadakes” ken “ili a kinondenar ni Jehova iti agnanayon.”+  Makitanto dayta ti matayo, ket ibagayo: “Maitan-ok koma ni Jehova iti teritoria ti Israel.”’”  “‘Padayawan ti anak ti ama,+ ken padayawan ti adipen ti apona. No ngarud maysaak nga ama,+ ayan ti pammadayaw a maikari kaniak?+ Ket no maysaak nga apo,* ayan ti panagbuteng* a maikari kaniak?’ kuna ni Jehova a panguluen dagiti armada kadakayo a papadi a mangum-umsi iti naganko.+ “‘Ngem insungbatyo: “Kasano nga inumsimi ti naganmo?”’  “‘Nagidatonkayo iti narugit a taraon* iti altarko.’ “‘Insaludsodyo: “Kasano a rinugitandaka?”’ “‘Ta ibagbagayo: “Ti lamisaan ni Jehova+ ket maikari a laisen.”  No mangipaaykayo iti bulsek nga animal kas daton, ibagayo: “Saan a dakes dayta.” No mangipaaykayo iti pilay wenno masakit nga animal, ibagayo: “Saan a dakes dayta.”’”+ “Pangngaasiyo ta padasenyo nga ited dagita iti gobernadoryo. Maragsakanto ngata kadakayo wenno paborannakayo?” kuna ni Jehova a panguluen dagiti armada.  “Ita, pangngaasiyo ta agpakaasikayo iti* Dios, tapno paborannatayo. Kadagiti daton nga ig-iggamanyo, addanto kadi asinoman a paboranna kadakayo?” kuna ni Jehova a panguluen dagiti armada. 10  “Asino kadakayo ti mayat a mangirikep kadagiti ridaw?*+ Ta saanyo a silawan ti altarko nga awan ti tangdanyo.+ Saanak a maragsakan kadakayo,” kuna ni Jehova a panguluen dagiti armada, “ken saanak a maragsakan iti aniaman a daton a sagutyo.”+ 11  “Ta manipud iti isisingising ti init agingga iti ilelennekna,* naindaklanto ti naganko iti tengnga dagiti nasion.+ Iti tunggal disso, maipaayto dagiti daton a mangpataud iti asuk ken dagiti daton para iti naganko, kas nadalus a sagut; ta naindaklanto ti naganko iti tengnga dagiti nasion,”+ kuna ni Jehova a panguluen dagiti armada. 12  “Ngem rugrugitanyo dayta*+ ta ibagbagayo, ‘Narugit ti lamisaan ni Jehova, ket maikari a laisen ti prutas ken taraon iti dayta.’+ 13  Imbagayo pay, ‘Makabannog!’ ket linaisyo dayta,” kuna ni Jehova a panguluen dagiti armada. “Nangtedkayo kadagiti tinakaw, pilay, ken masakit nga animal. Wen, intedyo dagita kas sagut! Awatekto kadi dagita?”+ kuna ni Jehova. 14  “Mailunod daydiay nasikap nga adda nasalun-at a kalakian nga animal iti arbanna, ngem agkari sa agdaton ken Jehova iti animal nga adda depektona.* Ta naindaklanak nga Ari,”+ kuna ni Jehova a panguluen dagiti armada, “ket nakaskasdaawto ti naganko iti tengnga dagiti nasion.”+

Footnotes

Kaipapananna, “Ti Mensaherok.”
Wenno “a naindaklan nga apo.”
Wenno “respeto.”
Lit., “tinapay.”
Wenno “paluknengenyo ti rupa ti.”
Nalawag a ti trabaho a panangirikep kadagiti ridaw ti templo.
Wenno “manipud daya agingga iti laud.”
Wenno mabalin a, “rugrugitandak.”
Wenno “pakapilawanna.”