Jeremias 17:1-27
17 “Naisurat ti basol ti Juda babaen ti landok a pagsurat.
Babaen ti natirad a diamante, naikitikit dayta iti pusodaKen kadagiti sara dagiti altarda,
2 Bayat a malaglagip ti annakda dagiti altarda ken sagrado a posteda*+Iti abay ti narukbos a kayo, iti rabaw dagiti nangato a turod,+
3 Iti tapaw ti bambantay iti away.
Baybay-akto a maala dagiti sanikuam, ti amin a kinabaknangmo+—Wen, dagiti nangato a dissom gapu iti basol iti amin a teritoriam.+
4 Baybay-amto a maala ti impatawidko kenka.+
Ipaadipenkanto kadagiti kabusormo iti lugar a saanmo nga ammo,+Ta pinasgedam ti pungtotko a kas iti apuy.*+
Agnanayonto a sumsumged dayta.”
5 Daytoy ti kuna ni Jehova:
“Mailunod ti tao* nga agtalek kadagiti tattao laeng,+Nga agpannuray iti pannakabalin ti tao,*+Ken mangyadayo iti pusona ken Jehova.
6 Kayarigannanto ti maymaysa a kayo iti desierto.
Dinanto makita no adda nasayaat a dumteng,Ta agyanto kadagiti natikag a lugar iti let-ang,Iti naapgad a daga a saan a mapagnaedan.
7 Mabendisionan ti tao* nga agtalek ken Jehova,A mangin-inanama ken Jehova.+
8 Kayarigannanto ti kayo a naimula iti igid ti dandanum,Nga agwaras dagiti ramutna agingga iti pagayusan ti danum.
Saannanto a madlaw ti bara ti init,Ta nalangto latta dagiti bulongna.+
Ket saanto nga agdanag iti tawen ti tikag,Ken saanto met nga agsardeng nga agbunga.
9 Ti puso ket ad-adda a manangallilaw* ngem iti aniaman a banag ken desperado.*+
Asino ti makaammo iti dayta?
10 Siak, ni Jehova, suksukisokek ti puso,+Suksukimatek ti kaunggan a pampanunot,*Tapno supapakak ti tunggal tao sigun iti kababalinna,Sigun kadagiti bunga dagiti aramidna.+
11 Kas iti tukling a mangukop iti saanna nga inyitlog,Kasta daydiay agpabpabaknang iti sinisuitik a pamay-an.*+
Mapukaw ti kinabaknangna bayat a kabambanuaganna,Ket mapaneknekan a maag iti kamaudiananna.”
12 Ti nadayag a trono a naitan-ok sipud pay idi un-unanaTi ayan ti santuariotayo.+
13 O Jehova, ti namnama ti Israel,Maibabainto ti amin a mangpanaw kenka.
Dagidiay agapostata kenka* ket maisuratto iti tapok,+Ta pinanawanda ni Jehova, ti ubbog ti sibibiag a danum.+
14 Paimbagennak, O Jehova, ket umimbagakto.
Isalakannak, ket maisalakanakto,+Ta sika ti idaydayawko.
15 Kitaenyo! Adda dagidiay mangibagbaga kaniak:
“Ayan ti sao ni Jehova?+
Sapay koma ta matungpal!”
16 Ngem saanak a simmardeng a sumursurot kenka kas pastor,Saanko met a pinadpadaanan ti aldaw ti didigra.
Pagaammom ti amin nga imbagak;Napasamak amin dagita iti sanguanam!
17 Saanmo koma nga ipalubos a mapabutnganak.
Sika ti pagkamangak iti aldaw ti didigra.
18 Maibabain koma dagiti mangidadanes kaniak,+Ngem dimo ipalubos a maibabainak.
Lapunosem ida iti buteng,Ngem dimo koma ipalubos a mapabutnganak.
Ipagtengmo kadakuada ti aldaw ti didigra,+Ken rumekem ken interamente a dadaelem ida.*
19 Daytoy ti imbaga kaniak ni Jehova: “Mapanka agtakder iti ruangan ti annak dagiti umili, a pagserkan ken pagruaran ti ar-ari ti Juda, ken iti amin a ruangan ti Jerusalem.+
20 Masapul nga ibagam kadakuada, ‘Denggenyo ti kinuna ni Jehova, dakayo nga ar-ari ti Juda, dakayo amin nga umili ti Juda, ken dakayo amin nga agnanaed iti Jerusalem, a sumsumrek kadagitoy a ruangan.
21 Daytoy ti kuna ni Jehova: “Agannadkayo, ken dikay agawit iti aniaman nga awit iti aldaw ti Sabbath wenno diyo iserrek dayta kadagiti ruangan ti Jerusalem.+
22 Iti aldaw ti Sabbath, masapul a saankayo a mangiruar iti aniaman nga awit manipud kadagiti pagtaenganyo; ken saankayo a pulos nga agtrabaho.+ Pagtalinaedenyo a sagrado ti aldaw ti Sabbath, kas iti imbilinko kadagidi ammayo.+
23 Ngem saanda nga immimdeng wenno nangipangag. Inggagarada ketdi ti saan* nga agtulnog wenno immawat iti disiplina.”’+
24 “‘“Ngem no ikagumaanyo ti agtulnog kaniak,” kuna ni Jehova, “ken saankayo a mangiserrek iti awit kadagiti ruangan daytoy a siudad iti aldaw ti Sabbath, ken pagtalinaedenyo a sagrado ti aldaw ti Sabbath babaen ti saanyo a panangaramid iti aniaman a trabaho,+
25 dagiti ari ken prinsipe nga agtugaw iti trono ni David+ ket sumrekto met ngarud kadagiti ruangan daytoy a siudad, a nakasakay iti karuahe ken kadagiti kabalio, isuda ken dagiti prinsipeda, dagiti tattao ti Juda ken dagiti agnanaed iti Jerusalem;+ ket agnanayonto a mapagnaedan daytoy a siudad.
26 Ket umayto dagiti tattao manipud kadagiti siudad ti Juda, manipud kadagiti lugar iti aglikmut ti Jerusalem, manipud iti daga ti Benjamin,+ manipud iti kapatagan,+ manipud iti kabambantayan, ken manipud iti Negeb,* a mangyeg kadagiti sibubukel a daton a mapuoran,+ datdaton,+ daton a bukbukel,+ olibano, ken daton ti panagyaman iti balay ni Jehova.+
27 “‘“Ngem no saankayo nga agtulnog kaniak gapu ta diyo pagtalinaeden a sagrado ti aldaw ti Sabbath ken adda latta dagiti awitenyo nga iserrek kadagiti ruangan ti Jerusalem iti aldaw ti Sabbath, puorakto dagiti ruanganna, ket sigurado a mauramto dagiti natibker a torre ti Jerusalem+ ket saanto a maiddep dayta.”’”+
Footnotes
^ Wenno mabalin a, “Ta kas iti apuy a pinasgedam ti ungetko.”
^ Wenno “napigsa a lalaki.”
^ Lit., “pagbalinenna ti lasag a takiagna.”
^ Wenno “napigsa a lalaki.”
^ Wenno “ket nagulgulib.”
^ Wenno mabalin a, “saan a maagasan.”
^ Wenno “kaunggan nga emosion.” Lit., “dagiti bato.”
^ Wenno “ngem saan a buyogen ti kinahustisia.”
^ Lit., “kaniak,” a nalabit tumukoy ken Jehova.
^ Wenno “dadaelem ida iti mamindua.”
^ Lit., “Pinatangkenda ti teltelda.”
^ Wenno “iti abagatan.”
