Jeremias 1:1-19

  • Napili ni Jeremias kas propeta (1-10)

  • Sirmata maipapan iti kayo nga almendro (11, 12)

  • Sirmata maipapan iti paglutuan a banga (13-16)

  • Napabileg ni Jeremias para iti trabahona (17-19)

1  Dagitoy ti sasao ni Jeremias* nga anak ni Hilkias a maysa kadagiti papadi idiay Anatot+ iti daga ti Benjamin.  Naipakaammo kaniak ti sao ni Jehova idi kaaldawan ni Josias,+ nga anak ni Amon,+ ti ari ti Juda, idi maika-13 a tawen ti panagturayna.  Naipakaammo met dayta kaniak idi kaaldawan ti ari ti Juda a ni Jehoiakim+ nga anak ni Josias, agingga a nalpas ti maika-11 a tawen a panagturay ti ari ti Juda a ni Zedekias+ nga anak ni Josias, agingga a naipanaw dagiti tattao ti Jerusalem iti maikalima a bulan.+  Kinuna kaniak ni Jehova:   “Am-ammokan* sakbay pay a binukelka iti aanakan,+Ken sakbay pay a nayanakka,* pinilikan* a mangaramid iti naisangsangayan a trabaho.+ Pinagbalinka a propeta kadagiti nasion.”   Ngem kinunak: “O Kangatuan* nga Apo Jehova! Saanko nga ammo ti agsao,+ ta maysaak laeng nga ubing.”*+   Kinuna ni Jehova kaniak: “Dimo ibaga, ‘Maysaak laeng nga ubing.’ Ta masapul a mapanka iti amin a pangibaonak kenka,Ken rumbeng nga ibagam ti amin nga ibilinko kenka.+   Dimo kabuteng ti langada,+Ta ‘addaak kenka tapno ispalenka,’+ kuna ni Jehova.”  Kalpasanna, inunnat ni Jehova ti imana ket sinagidna ti ngiwatko.+ Ket kinuna ni Jehova kaniak: “Inkabilko dagiti sasaok iti ngiwatmo.+ 10  Kitaem, inikkanka ita nga aldaw iti autoridad kadagiti nasion ken pagarian, tapno mangparut ken mangrakrakka, tapno mangdadael ken mangrebbaka, tapno mangbangon ken mangimulaka.”+ 11  Kinuna manen kaniak ni Jehova: “Ania ti makitkitam, Jeremias?” Isu nga insungbatko: “Makitkitak ti sanga ti kayo nga almendro.”* 12  Kinuna ni Jehova kaniak: “Husto ti makitkitam, ta kanayon a kitkitaek ti pannakaitungpal ti saok.” 13  Daytoy ti naipakaammo manen kaniak a sao ni Jehova iti maikadua a daras: “Ania ti makitkitam?” Isu a kinunak: “Makitkitak ti agburburek* a kaldero* a nakatingig manipud iti amianan a ti ngarabna ket sumango iti abagatan.” 14  Kalpasanna, imbaga kaniak ni Jehova: “Idiay amianan ti paggapuan ti didigraMaibusor iti amin nga agnanaed iti daga.+ 15  Ta ‘ayabak ti amin a pamilia dagiti pagarian ti amianan,’ kuna ni Jehova,+‘Ket umaydanto; ipasdekto ti tunggal maysa ti trononaIti sango dagiti ruangan ti Jerusalem,+Maibusor iti aglikmut a padernaKen maibusor iti amin a siudad ti Juda.+ 16  Ket ideklarakto kadakuada dagiti panangukomko gapu iti amin a kinadakesda,Ta pinanawandak,+Ken mangpupuorda iti idatonda kadagiti sabali a dios+Ken agrukruknoyda kadagiti inaramid dagiti imada.’+ 17  Ngem masapul nga agsaganaka nga agtignay,*Ken masapul a tumakderka ket ibagam kadakuada ti amin nga ibilinko kenka. Dimo kabuteng ida,+Tapno dika butbutngen iti sanguananda. 18  Ta pinagbalinka ita a napaderan a siudad,Maysa nga adigi a landok, ken pader a gambang maibusor iti intero a daga,+Kadagiti ari ti Juda ken kadagiti prinsipena,Kadagiti papadina ken kadagiti tattao iti daga.+ 19  Ket sigurado a lumabanda kenka,Ngem saandakanto a maabak,*Ta ‘addaak kenka,’+ kuna ni Jehova, ‘tapno ispalenka.’”

Footnotes

Mabalin a kaipapananna, “Mangitan-ok ni Jehova.”
Wenno “Pinilikan.”
Lit., “sakbay a rimmuarka iti aanakan.”
Wenno “inlasinkan.”
Wenno “Soberano.”
Wenno “a barito.”
Lit., “daydiay agririing.”
Lit., “Marubrubroban,” a mangipakita a mapuypuyotan ti apuy iti sirokna.
Wenno “nalawa ti ngarabna a kaldero.”
Lit., “a bariksam ti patongmo.”
Wenno “saandanto nga agballigi maibusor kenka.”