Habakuk 1:1-17

  • Agpatulong ti propeta (1-4)

    • ‘Kasano kabayag, O Jehova?’ (2)

    • “Apay nga ipalubosmo ti panangidadanes?” (3)

  • Dagiti Caldeo, usaren ti Dios a mangdusa (5-11)

  • Agpakaasi ti propeta ken ni Jehova (12-17)

    • ‘Diosko, saanka a matay’ (12)

    • ‘Nasin-awka unay a kumita iti dakes’ (13)

1  Ti mensahe a naawat ni propeta Habakuk* iti sirmata:   Kasano kabayag nga agpatulongak, O Jehova, ngem saanka a dumngeg?+ Kasano kabayag nga agpatulongak gapu iti kinaranggas, ngem saanka a makibiang?*+   Apay nga ipakpakitam kaniak ti dakes? Ken apay nga ipalpalubosmo ti panangidadanes? Apay nga adda pannakadadael ken kinaranggas iti sanguanak? Ken apay a nakaad-adu ti panagaapa ken panagririri?   Gapuna, awan ti naaramid ti linteg,Saan a pulos naipakat ti hustisia. Ta napalikmutan dagiti nalinteg kadagiti dakes;Isu a nakillo ti hustisia.+   “Kitaenyo dagiti nasion ket agpaliiwkayo! Kumitakayo a masmasdaaw ket agamangakayo;Ta addanto mapasamak iti kaaldawanyoA saanyonto a patien uray no naibaga kadakayo.+   Ta tignayekto dagiti Caldeo,+Ti naulpit ken darasudos a nasion. Dumalanda iti nalawa a paset ti dagaA mangagaw kadagiti balay a saanda a kukua.+   Nakaam-amak ken nakabutbutengda. Adda bukodda a hustisia ken autoridad.*+   Naparpartak dagiti kabalioda ngem kadagiti leopardo,Ken narungrungsotda ngem kadagiti lobo iti rabii.+ Agabante dagiti kabalioda a pakigubat;Adayo ti naggapuan dagiti kabalioda. Agsippayotda a kas iti agila nga agdardaras a mangan.+   Immayda amin nga agaramid iti kinaranggas.+ No agtitiponda a dumarup, kaslada angin iti daya,+Ken akupenda dagiti natiliwda a kas iti darat. 10  Laisenda dagiti ariKen katkatawaanda dagiti nangato nga opisial.+ Katkatawaanda ti tunggal napaderan a lugar;+Mangibuntonda iti tapok ket sakupenda dayta. 11  Kalpasanna, umabanteda a kas iti angin ken lumasatda,Ngem makabasoldanto,+Ta bigbigenda a naggapu iti diosda ti bilegda.”*+ 12  Saan kadi a nabayagen nga addaka, O Jehova?+ O Diosko, ti Nasantuan a Diosko, saanka a matay.*+ O Jehova, pinilim ida a mangipakat iti panangukom;O Dakkel a Batok,+ dinutokam ida a mangdusa.*+ 13  Nasin-aw unay dagiti matam a kumita iti dakes,Ken saanmo a panuynoyan ti kinadakes.+ Apay ngarud a pampanuynoyam ti manangallilaw+Ken agulimekka lattan no gundawayan ti dakes ti nalinlinteg ngem isuna?+ 14  Apay nga aramidem ti tao a kas iti ikan iti baybay,Kas iti agkarkarayam a bambanag nga awanan iti agturay? 15  Isang-atna* amin dagitoy babaen ti banniit. Tiliwenna dagita iti iketna a pagdaklis,Ken urnongenna dagita iti iketna a pagkalap. Isu a napalalo ti ragsakna.+ 16  Dayta ti makagapu a mangipaay iti daton iti iketna a pagdaklisKen mangipaay iti daton* iti iketna a pagkalap;Ta adu* ti bingayna gapu kadagita,Ken makapasalun-at ti taraonna. 17  Saanto kadi nga agsardeng a mangikkat iti nagyan ti iketna?* Agtultuloyto kadi ti awanan asi a panangpapatayna kadagiti nasion?+

Footnotes

Mabalin a kaipapananna, “Nasged a Panangabrasa.”
Wenno “mangisalakan.”
Wenno “dignidad.”
Wenno mabalin a, “ti diosda ti pigsada.”
Wenno mabalin a, “saankami a matay.”
Wenno “mangtubngar.”
Kayatna a sawen, ti kabusor a Caldeo.
Wenno “daton a mangpataud iti asuk.”
Lit., “nalanaan.”
Wenno mabalin a, “mangasut iti espadana?”