Ezekiel 46:1-24

  • Daton iti nadumaduma nga okasion (1-15)

  • Tawid manipud iti sanikua ti panguluen (16-18)

  • Dagiti lugar a paglutuan iti daton (19-24)

46  “Daytoy ti kinuna ti Kangatuan* nga Apo Jehova: ‘Masapul nga agtalinaed a nakarikep+ ti ruangan ti makin-uneg a paraangan a sumango iti daya+ bayat ti innem nga aldaw a panagtrabaho,+ ngem masapul a maluktan iti aldaw ti Sabbath ken iti aldaw ti baro a bulan.  Sumrekto ti panguluen a dumalan iti beranda ti ruangan,+ ket agtakder iti abay ti hamba ti ridaw. Idatag dagiti papadi ti sibubukel a datonna a mapuoran ken dagiti datonna a pakikappia, ket agruknoy iti pagserkan ti ruangan sa rummuar. Ngem masapul a saan a mairikep ti ruangan agingga iti rabii.  Agruknoy met dagiti umili iti sanguanan ni Jehova iti pagserkan dayta a ruangan bayat dagiti Sabbath ken baro a bulan.+  “‘Ti sibubukel a daton a mapuoran nga ipaay ti panguluen ken ni Jehova iti aldaw ti Sabbath ket innem a nasalun-at nga urbon a kalakian a karnero ken maysa a nasalun-at a kalakian a karnero.+  Ti maidaton a bukbukel ket maysa nga efa* para iti kalakian a karnero ken aniaman a maitedna para kadagiti urbon a kalakian a karnero, ken maysa a hin* a lana iti tunggal efa.+  Ti daton iti aldaw ti baro a bulan ket maysa a nasalun-at nga urbon a kalakian a baka iti arban, innem nga urbon a kalakian a karnero, ken maysa a kalakian a karnero; masapul a nasalun-at dagita.+  Itedna kas daton a bukbukel ti maysa nga efa para iti urbon a kalakian a baka, maysa nga efa para iti kalakian a karnero, ken aniaman a maitedna para kadagiti urbon a kalakian a karnero. Masapul a mangted iti maysa a hin a lana iti tunggal efa.  “‘No sumrek ti panguluen, masapul a sumrek iti beranda ti ruangan, ket dita met laeng a rummuar.+  No mapan dagiti umili iti sanguanan ni Jehova bayat dagiti piesta,+ dagidiay sumrek iti ruangan iti amianan+ tapno agdayaw ket rummuar iti ruangan iti abagatan,+ ken dagidiay sumrek iti ruangan iti abagatan ket rummuar iti ruangan iti amianan. Awan ti agsubli iti ruangan a simrekanna, ta masapul a rummuarda iti ruangan a kabatog ti ruangan a simrekanda. 10  Kumuyog a sumrek ti panguluen a kaduada no sumrekda, ket rummuar met no rummuarda. 11  Bayat dagiti piesta ken dagiti naikeddeng a piesta, ti daton a bukbukel ket maysa nga efa para iti urbon a kalakian a baka ken maysa nga efa para iti kalakian a karnero, ken aniaman a maitedna para kadagiti urbon a kalakian a karnero, ken maysa a hin a lana iti tunggal efa.+ 12  “‘No mangisagana ti panguluen iti sibubukel a daton a mapuoran+ wenno kadagiti daton a pakikappia kas boluntario a daton ken Jehova, mailukat kenkuana ti ruangan a sumango iti daya, ket isaganana ti sibubukel a datonna a mapuoran ken dagiti datonna a pakikappia kas iti ar-aramidenna iti aldaw ti Sabbath.+ Masapul a mairikep ti ruangan no nakaruaren.+ 13  “‘Inaldaw a mangisaganaka iti nasalun-at nga urbon a kalakian a karnero nga agarup maysa ti tawenna kas sibubukel a daton a mapuoran para ken Jehova.+ Masapul a binigat nga aramidem daytoy. 14  Karaman iti dayta, binigat a mangisaganaka iti apagkanem ti maysa nga efa kas daton a bukbukel, ken kakatlo ti maysa a hin a lana a maiwarsi iti napino nga arina kas regular a daton a bukbukel para ken Jehova. Agnanayon daytoy a paglintegan. 15  Masapul a binigat nga isaganada ti kalakian a karnero, ti daton a bukbukel, ken ti lana kas regular a sibubukel a daton a mapuoran.’ 16  “Daytoy ti kinuna ti Kangatuan nga Apo Jehova: ‘No ikkan ti panguluen ti tunggal anakna iti sagut kas tawid, agbalinto dayta a sanikua dagiti annakna. Dayta ti sanikua a naipatawid kadakuada. 17  Ngem no mangted iti sagut iti adipenna manipud iti tawidna, kukuanto dayta ti adipenna agingga iti tawen a pannakawayawayana;+ kalpasanna, maisubli dayta iti panguluen. Ti laeng tawid dagiti annakna ti agtalinaed a kukuada. 18  Saan nga alaen ti panguluen ti aniaman a tawid dagiti umili babaen ti panangpapanawna kadakuada iti sanikuada. Ikkanna dagiti annakna iti tawid manipud iti sanikuana, tapno awan kadagiti tattaok ti mapapanaw iti bukodda a sanikua.’” 19  Kalpasanna, impannak iti pagserkan+ nga adda iti abay ti ruangan nga agturong kadagiti nasantuan a siled a panganan* a kukua dagiti papadi, a sumango iti amianan.+ Nakitak sadiay ti maysa a disso iti likud iti banda ti laud. 20  Kinunana kaniak: “Ditoy a lutuen dagiti papadi ti daton gapu iti biddut ken ti daton gapu iti basol, ken ditoy met a lutuenda ti daton a bukbukel,+ tapno awan ti aniaman a maipanda iti makinruar a paraangan ket mayakarda ti kinanasantuan kadagiti* umili.”+ 21  Impannak iti makinruar a paraangan ket pinalabasnak iti uppat a suli ti paraangan. Adda nakitak a paraangan iti abay ti tunggal suli ti makinruar a paraangan. 22  Iti uppat a suli ti paraangan, adda babassit a paraangan nga 40 a kasiko* ti kaatiddogda ken 30 a kasiko ti kaakabada. Agpapada ti rukodda nga uppat.* 23  Adda dagiti pannakasarapa* iti aglikmutda nga uppat, ket adda naaramid a disso a pagangran iti daton iti baba dagiti pannakasarapa. 24  Kalpasanna, kinunana kaniak: “Dagitoy ti disso a paglutuan dagiti agserserbi iti templo iti daton dagiti umili.”+

Footnotes

Wenno “Soberano.”
Kitaem ti App. B14.
Kitaem ti App. B14.
Wenno “kadagiti nasantuan a siled.”
Lit., “mapagbalinda a nasantuan dagiti.”
Tumukoy daytoy iti atiddog a kasiko. Kitaem ti App. B14.
Wenno “Agpapada ti rukodda nga uppat ken ti pannakaaramid ti sulida.”
Wenno “intar.”