Ezekiel 4:1-17

  • Nayakto ti pannakaraut ti Jerusalem (1-17)

    • Naawit ti basol iti 390 nga aldaw ken 40 nga aldaw (4-7)

4  “Anak ti tao, mangalaka iti ladrilio ket ikabilmo iti sanguanam. Ikitikitmo iti dayta ti maysa a siudad—ti Jerusalem.  Iyaktom a palpalawlawam ti siudad,+ mangibangonka iti pader iti aglawlawna,+ mangaramidka iti bunton a pagdalanan,+ mangibangonka kadagiti kampo, ken mangikabilka kadagiti pagtebbag iti pader iti aglikmut ti siudad.+  Mangalaka iti daplat a paglutuan a landok ket ikabilmo kas landok a pader iti nagbaetam ken ti siudad. Sumangoka iti dayta, ket ipakitam no kasanonto a mapalawlawan ti siudad. Daytoy ti pagilasinan iti sangakabbalayan ti Israel.+  “Kalpasanna, agiddaka a nakasikig iti kannigid ket iparabawmo iti bagim* ti basol ti sangakabbalayan ti Israel.+ Awitem ti basolda maitunos iti bilang dagiti aldaw a nakaiddaka a nakasikig.  Agiddaka iti 390 nga aldaw, maitunos kadagiti tawen a nagbasolda kaniak.+ Awitemto ti basol ti sangakabbalayan ti Israel.  Masapul a kompletuem dayta. “Kalpasanna, agiddaka manen a nakasikig iti kannawan, ket awitem ti basol ti sangakabbalayan ti Juda+ iti 40 nga aldaw. Maysa nga aldaw para iti maysa a tawen, wen, maysa nga aldaw para iti maysa a tawen, ti intedko kenka.  Kitaem ti Jerusalem+ bayat a napalawlawan, nga awan ti abbong ti takiagmo, ket masapul nga agipadtoka maibusor iti dayta.  “Galutankanto iti tali tapno saanka a makasikig iti sabali a sikigam agingga a makompletom dagiti aldaw ti panangpalawlawmo.  “Ken mangalaka iti trigo, sebada, patani, lentehas, mijo, ken espelta ket ikabilmo dagita iti pagkargaan sa mangaramidka iti tinapay. Kanemto dayta iti bilang ti aldaw a nakaiddaka a nakasikig, 390 nga aldaw.+ 10  Timbangemto ti kanem, 20 a siklo* iti kada aldaw. Kanemto dayta iti naituding nga oras. 11  “Sukatemto ti inumem a danum, apagkanem ti maysa a hin.* Inumemto dayta iti naituding nga oras. 12  “Kanemto dayta a kas iti nagtimbukel a tinapay a sebada; lutuemto dayta iti imatangda, a pagsungrodmo ti timmangken a takki ti tao.” 13  Intuloy a kinuna ni Jehova: “Kastoyto ti pannangan dagiti Israelita iti tinapayda—narugit—iti tengnga dagiti nasion a pangiwarawaraak kadakuada.”+ 14  Insungbatko: “Saan koma, O Kangatuan* nga Apo Jehova! Manipud idi agtutuboak agingga ita, saanak pay a narugitan babaen ti pannangan iti karne ti natay wenno narangrangkay nga animal,+ ken awan pay ti narugit* a karne a simrek iti ngiwatko.”+ 15  Isu nga imbagana kaniak: “Ala ngarud, palubosanka a mangusar iti takki ti baka imbes a takki ti tao, a panglutom iti tinapaymo.” 16  Imbagana pay kaniak: “Anak ti tao, pasardengek ti suplay a taraon* iti Jerusalem,+ ket madandanagandanto a mangan iti natimbang a tinapayda,+ ken mabutbutengdanto nga uminum iti nasukat a danumda.+ 17  Mapasamakto daytoy tapno agmiminnulenglengda ta awanen ti tinapay ken danum ket in-inut a kumapsutda gapu iti basolda.

Footnotes

Lit., “iti dayta,” kayatna a sawen, iti kannigid a sikigan ni Ezekiel.
Agarup 230 g. Kitaem ti App. B14.
Agarup 0.6 L. Kitaem ti App. B14.
Wenno “Soberano.”
Wenno “nabangsit.”
Lit., “tukkolekto dagiti pagibitinan iti tinapay.” Mabalin a tumukoy kadagiti pagibitinan a pagpempenan iti tinapay.