Ezekiel 2:1-10

  • Naikkan ni Ezekiel iti trabaho kas propeta (1-10)

    • “Dumngegda man wenno saan” (5)

    • Naipakita ti lukot a nakaisuratan dagiti dung-aw (9, 10)

2  Ket kinunana kaniak: “Anak ti tao,* tumakderka ta adda ibagak.”+  Idi nagsao kaniak, simrek kaniak ti espiritu ket pinagtakdernak+ tapno mangngegko Daydiay agsasao.  Intuloyna a kinuna: “Anak ti tao, ibaonka kadagiti umili ti Israel,+ kadagiti rebelioso a nasion a nagrebelde kaniak.+ Isuda ken dagidi ammada ket nagbasol kaniak agingga ita nga aldaw.+  Ibaonka iti annak a nasukir* ken natangken ti pusoda,+ ket masapul nga ibagam kadakuada, ‘Daytoy ti kuna ti Kangatuan* nga Apo Jehova.’  Dumngegda man wenno saan—ta rebeliosoda a sangakabbalayan+—sigurado a maammuandanto nga adda propeta iti tengngada.+  “Ngem sika, anak ti tao, dika agbuteng kadakuada,+ ken dika agbuteng iti ibagada, uray no napalikmutanka kadagiti kasla siitan a mula*+ ken agnanaedka iti tengnga dagiti manggagama. Dika agbuteng iti ibagada,+ ken dika agamak kadagiti rupada,+ ta rebeliosoda a sangakabbalayan.  Masapul nga ibagam kadakuada ti saok, dumngegda man wenno saan, ta rebeliosoda a tattao.+  “Ngem sika, anak ti tao, denggem ti ibagbagak. Dika agbalin a rebelioso a kas kadagitoy a rebelioso a sangakabbalayan. Agngangaka ket kanem ti itedko.”+  Idi kimmitaak, nakakitaak iti ima a mangyaw-awat kaniak+ iti nasuratan a lukot.*+ 10  Idi inukradna dayta iti sanguanak, adda surat iti sango ken likudna.+ Naisurat iti dayta dagiti dung-aw,* panagladingit, ken panagsangit.+

Footnotes

“Anak ti tao”; ti umuna iti 93 a panagparang daytoy a termino iti Ezekiel.
Wenno “natangken ti rupada.”
Wenno “Soberano.”
Wenno mabalin nga, “uray no nasukir dagiti tattao ken kasda la banag a makasiit kenka.”
Wenno “lukot ti maysa a libro.”
Wenno “kanta ti panagladingit.”