Ezekiel 19:1-14
-
Dung-aw para kadagiti panguluen ti Israel (1-14)
19 “Mangikantaka iti dung-aw* maipapan kadagiti panguluen ti Israel
2 ket ibagam,‘Ania idi ti inam? Maysa a kabaian a leon iti tengnga dagiti leon.
Agid-idda iti tengnga dagiti napigsa a bumaro a leon* ken pinadakkelna dagiti urbonna.
3 Pinadakkelna ti maysa kadagiti urbonna, ket nagbalin a napigsa a bumaro a leon.+
Nasursurona a rangrangkayen ti naanupna,Nangalun-on pay iti tattao.
4 Nadamag dagiti nasion ti maipapan kenkuana ket natnag iti abutda,Ken impanda idiay Egipto babaen kadagiti kawit.+
5 Nagur-uray ti ina ket di nagbayag, nakitana nga awanen ti namnama a makasubli ti urbonna.
Isu nga innalana ti sabali pay nga urbonna ket imbaonna kas napigsa a bumaro a leon.
6 Nagpagnapagna met iti tengnga dagiti leon ket nagbalin a napigsa a bumaro a leon.
Nasursurona a rangrangkayen ti naanupna ken nangalun-on pay iti tattao.+
7 Nagpagnapagna iti tengnga dagiti napaderan a torreda ket dinadaelna dagiti siudadda,Isu a napno iti panagngerngerna ti nabaybay-an a daga.+
8 Bimmusor kenkuana dagiti nasion iti aglawlawna ket insaruagda kenkuana ti iketda,Ket natnag iti abutda.
9 Ginuyodda kadagiti kawit ket inkabilda iti pagpupokan sa impanda iti ari ti Babilonia.
Impupokda sadiay tapno saanen a mangngeg ti timekna iti kabambantayan ti Israel.
10 Ti inam ket kasla puon ti ubas+ iti daram,* a naimula iti igid ti danum.
Nagbunga ken naaddaan iti adu a sanga gapu iti adu a danum.
11 Timmangken dagiti sangana,* a mabalin nga aramiden a setro dagiti agtuturay.
Timmayag ket linab-awanna ti dadduma a kayo,Ken nalaka a makita gapu iti kinatayag ken kinaadu ti bulongna.
12 Ngem naparut gapu iti pungtot ti Dios+ ken naibelleng iti daga,Ket nagango ti bungana gapu iti angin iti daya.
Natukkol dagiti nalagda a sangana ken nagango,+ ket napuoran dagita.+
13 Ita, naimula iti let-ang ti puon ti ubas,Iti awanan danum ken namaga a daga.+
14 Nagramaram ti apuy kadagiti sangana* ket nauram dagiti saringit ken bungana,Ken awan ti nabati a nalagda a sangana, awanen ti setro a para iti agturay.+
“‘Maysa dayta a dung-aw, ket agserbinto kas dung-aw.’”
