Deuteronomio 32:1-52

  • Kanta ni Moises (1-47)

    • Ni Jehova, ti Dakkel a Bato (4)

    • Lipaten ti Israel ti Dakkel a Bato (18)

    • “Kukuak ti pammales” (35)

    • “Makipagragsakkayo iti ilina, dakayo a nasion” (43)

  • Matayto ni Moises idiay Bantay Nebo (48-52)

32  “Dumngegka, O langit, ta agsaoak,Ket denggen koma ti daga ti ibagak.   Agtinnagto a kas tudo ti instruksionko;Agaruyotto a kas linnaaw dagiti sasaok,Kas arbis iti rabaw ti ruotKen kas naruay a tudo iti rabaw dagiti mula.   Ta ipakaammokto ti nagan ni Jehova.+ Isarsaritayo ti kinanaindaklan ti Diostayo!+   Isu ket kas iti Dakkel a Bato, perpekto ti aramidna,+Ta kinahustisia ti amin a dalanna.+ Matalek a Dios+ a nalinteg ti amin nga aramidna;+Nalinteg ken naimbag.+   Dagiti tattao ti nagaramid iti dakes.+ Saanna ida nga annak, isuda ti makimbasol.+ Nakillo ken dakesda a henerasion!+   Kastoy kadi ti panangtratoyo ken Jehova,+Dakayo a maag ken saan a masirib a tattao?+ Saan kadi nga isu ti Amayo a nangpaadda kadakayo,+Daydiay nangaramid ken namagbalin kadakayo kas nasion?   Lagipenyo ti immuna nga al-aldaw;Panunotenyo dagiti naglabas a henerasion. Agsaludsodkayo ken amayo, ket ibagana kadakayo;+Agsaludsodkayo kadagiti panglakayenyo, ket ipakaammoda kadakayo.   Idi inted ti Kangatuan ti tawid dagiti nasion,+Idi pinagsisinana dagiti annak ni Adan,*+Inkeddengna ti pagpatinggaan dagiti ili+Sigun iti bilang dagiti annak ni Israel.+   Ta ti ili ni Jehova ti bingayna;+Ni Jacob ti tawidna.+ 10  Nasarakanna iti let-ang+Ken iti awan matagtagitaona a desierto nga ayan dagiti agtagtaguob nga animal.+ Sinalakniban, inaywanan,+Ken sinaluadanna kas iti alintatao ti matana.+ 11  Kas iti agila a manggunggon iti umokna,Agampayag iti ngatuen dagiti sibongna,Ukradenna dagiti payakna sa alaenna ida,Awitenna ida kadagiti payakna,+ 12  Ni laeng Jehova ti nangiturturong kenkuana;*+Awan idi ti sabali a diosna.+ 13  Pinagturayna ida iti nangangato a lugar,+Ket kinnanda ti apit ti talon.+ Pinakanna ida iti diro manipud iti nangato a bato,Ken lana manipud iti natangken a bato,* 14  Mantekilia ti gatas ti baka ken gatas ti karnero ken kaldingAgraman dagiti kasayaatan a* karnero,Ken dagiti kalakian a karnero ti Basan, ken kalakian a kalding,Agraman ti kasayaatan a* trigo;+Ket imminumkayo iti arak manipud iti tubbog* ti ubas. 15  Idi limmukmeg ni Jesurun,* nagrebelde ket kimmugtar. Limmukmeg, immakaba, ken bimmutittitka.+ Iti kasta, binaybay-anna ti Dios, a nangaramid kenkuana,+Ket inumsina ti Dakkel a Bato a nangisalakan kenkuana. 16  Pinagpungtotna gapu kadagiti sabali a dios;+Pinagrurodna gapu kadagiti makarimon a banag.+ 17  Nagidatdaton kadagiti demonio, saan nga iti Dios,+Kadagiti dios a dina am-ammo,A nabiit pay nga addaKen di am-ammo dagidi ammayo. 18  Linipatam ti Dakkel a Bato,+ nga isu ti amam,Ket saanmo a linagip ti Dios a nangyanak kenka.+ 19  Idi nakita dayta ni Jehova, linaksidnaka,+Ta pinagpungtot ti annakmo a lallaki ken babbai. 20  Gapuna, kinunana, ‘Tallikudankanto;*+Kitaekto no ania ti pagbanagam. Ta dagiti tattaom ket dakes a henerasion,+Saan a matalek nga annak.+ 21  Pinagpungtotdak* gapu iti awan mamaayna a dios;+Pinagruroddak gapu kadagiti awan serserbina nga idoloda.+ Iti kasta, pagimonek met ida gapu iti awan serserbina a tattao;+Pagrurodek ida gapu iti awan mamaayna a nasion.+ 22  Ta ti ungetko nangpataud iti apuy+A manguramto iti kaunegan a paset ti Tanem,*+Ket ibusennanto ti daga ken ti apitnaKen uramenna ti pundasion dagiti bantay 23  Paaduekto ti didigrada;Ibusekto kadakuada dagiti panak. 24  Kumapsutdanto gapu iti bisin+Ken ibusen ida ti nakaro a gurigor ken naut-ot a pannakadadael.+ Ibaonkonto kadakuada dagiti narungsot nga animal+Ken dagiti nagita nga uleg* nga aguyas iti tapok. 25  Maulilanto dagiti adda iti ruar gapu iti espada;+Mabutbutengto dagiti adda iti uneg,+Agtutubo man a lalaki wenno babai,Maladaga, ken ubanan a tao.+ 26  Ibagak koma: “Iwarawarakto ida;Ket saanton a pulos a malagip ida dagiti tattao,” 27  Ngem mabutengak iti reaksion dagiti kabusor,+Ta mabalin a sabali ti ipagarupda.+ Amangan no ibagada: “Nangabakkami gapu iti bilegmi;+Saan nga inaramid dagitoy ni Jehova.” 28  Ta maysada a nasion a nabibineg ti riknana,*Ken saanda a makaaw-awat.+ 29  No la koma masiribda!+ Inutobda koma daytoy.+ Pinanunotda koma ti pagbanaganda.+ 30  Kasano koma a kamaten ti maysa ti 1,000,Ken mapagtalaw ti dua ti 10,000?+ Malaksid no ti Dakkel a Bato inlakona ida+Ken insuko ida ni Jehova. 31  Ta dagiti diosda ket saan a kas iti Diostayo, ti Dakkel a Bato,+Naawatan daytoy uray dagiti kabusortayo.+ 32  Ta ti puon ti ubasda ket manipud Sodoma,Manipud iti talon ti Gomorra.+ Makasabidong ti bungada,Napait ti raayda.+ 33  Ti arakda ket gita dagiti uleg,Ti makapapatay a sabidong dagiti kobra. 34  Saan kadi a naidulin kaniak dayta,Ken narikpan iti kamarinko?+ 35  Kukuak ti pammales, ken pannusa,+Iti naikeddeng a tiempo, inton maigalis ti sakada,+Ta asidegen ti aldaw a madidigrada,Ket alisto a mapasamak ti pagbanaganda.’ 36  Ta ukomento ni Jehova ti ilina,+Ket maasianto* kadagiti adipenna+Inton makitana nga awanen ti pigsada,Ket daydiay laeng awan gawgawayna ken nakapuy ti natda. 37  Iti kasta, ibagananto, ‘Ayan dagiti diosda,+Ti dakkel a bato a nagkamanganda, 38  A nangnangan iti taba dagiti datonda,*Nga immin-inum iti arak dagiti datonda nga inumen?+ Tumakderda koma ket tulongandakayo. Agbalinda koma a pagkamanganyo. 39  Kitaenyo ta siak—siak ti Dios,+Ket awanen ti sabali a dios no di siak.+ Mangpapatayak, ken mangbiagak.+ Mangsugatak,+ ken mangpaimbagak,+Ket awan ti asinoman a makaagaw iti adda iti imak.+ 40  Ta ingatok ti imak iti langit,Ket isapatak: “Kas sibibiagak iti agnanayon,”+ 41  No patademek ti nasilap nga espadak,Ken isaganak ti imak a mangukom,+Balsekto dagiti kalabanko+Ken dusaek dagidiay gumurgura kaniak. 42  Bartekekto dagiti panak iti dara,Ken manganto ti espadak iti lasag,Iti dara dagiti napapatay ken natiliw,Iti ulo dagiti lider ti kabusor.’ 43  Makipagragsakkayo iti ilina, dakayo a nasion,+Ta ibalesannanto ti dara dagiti adipenna,+Ket balsennanto dagiti kabusorna+Ken abbongannanto* ti basol ti ilina.” 44  Gapuna, imbaga ni Moises ti amin a liriko daytoy a kanta iti sanguanan dagiti tattao,+ isuda ken Hosea*+ nga anak ni Nun. 45  Idi naibagan ni Moises amin dagitoy a sasao iti intero nga Israel, 46  kinunana: “Ipapusoyo ti amin nga ipakpakdaarko kadakayo ita nga aldaw,+ tapno maibilinyo kadagiti annakyo a tungpalenda a naimbag ti amin a sasao daytoy a Linteg.+ 47  Ta nakapatpateg kadakayo daytoy a sao ken kaipapananna ti biagyo,+ ken daytoyto ti mangpaatiddog iti biagyo iti daga a tagikuaenyo iti ballasiw ti Jordan.” 48  Iti daydi met laeng nga aldaw, kinuna ni Jehova ken ni Moises: 49  “Sumang-atka iti daytoy a bantay ti Abarim,+ ti Bantay Nebo+ iti Moab ken sumango iti Jerico, ket kitaem ti Canaan, nga itedko kas sanikua dagiti Israelita.+ 50  Kalpasanna, maitiponkanto kadagiti kailiam* iti bantay a sumang-atam, kas iti ipapatay ni Aaron a kabsatmo idiay Bantay Hor,+ 51  ta agpadakayo a di nagmatalek kaniak iti tengnga dagiti Israelita iti danum ti Meriba+ idiay Kades iti let-ang ti Zin, ta saandak a pinadayawan iti sanguanan ti intero nga Israel.+ 52  Matannawagamto ti daga, ngem saankanto a sumrek iti daga nga itedko kadagiti Israelita.”+

Footnotes

Wenno mabalin a, “dagiti tattao.”
Kayatna a sawen, ni Jacob.
Wenno “pamulinawen.”
Lit., “taba ti.”
Lit., “taba ti bato ti.”
Lit., “dara.”
Kaipapananna, “Daydiay Nalinteg,” maysa a nadayaw a titulo para iti Israel.
Lit., “Ilingedkonto ti rupak kenka.”
Wenno “Pinagimondak.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “reptilia.”
Wenno mabalin a, “saan a dumdumngeg iti balakad.”
Wenno “maladingitanto.”
Wenno “nangnangan iti kasayaatan a datonda.”
Wenno “dalusannanto.”
Ti orihinal a nagan ni Josue. Hosea ti napaababa a porma ti Hosaias, a kaipapananna, “Insalakan ni Jah; Nangisalakan ni Jah.”
Naindaniwan a sasao para iti ipapatay.