Abdias 1:1-21

  • Maipababanto ti natangsit nga Edom (1-9)

  • Kinaranggas ti Edom iti Jacob (10-14)

  • Aldaw ni Jehova maibusor iti amin a nasion (15, 16)

  • Maisublinto ti sangakabbalayan ni Jacob (17-21)

    • Uramento ni Jacob ti Edom (18)

    • Agarinto ni Jehova (21)

 Ti sirmata ni Abdias:* Daytoy ti kinuna ti Kangatuan* nga Apo Jehova maipapan iti Edom:+ “Adda damag a nangngegmi manipud ken Jehova,Adda mensahero a naibaon kadagiti nasion: ‘Agsaganakayo, intay gubaten ti Edom!’”+   “Kitaem! Pinagbalinka a nakapuy iti amin a nasion;Mauy-uyawka iti kasta unay.+   Inallilawnaka ti kinatangsit ti pusom,+Sika nga agnanaed ken agkamkamang iti dakkel a bato,Nga aggigian iti nangato a disso, a kunkunam,‘Awan ti makaipababa kaniak!’   Uray no agnaedka iti nangato* a kas iti agila,Wenno ikabilmo ti umokmo iti ayan dagiti bituen,Ipababakanto,” kuna ni Jehova.   “No umay kenka dagiti mannanakaw iti rabii,Saan aya a dagiti laeng kayatda ti alaenda? No umay kenka dagiti agburburas iti ubas,Saan aya nga adda latta ibatida?+ Ngem naan-anayto a dadaelendaka dagiti kabusormo!*   Nasukisok ti amin a sanikua ni Esau! Naala dagiti nalmeng a gamengna!   Inallilawdaka ti amin a kakaduam.* Pinapanawdaka iti pagilianda. Pinarmekdaka dagiti nakikappia kenka. Mangipakatto iti appan dagidiay kasangsangom iti panganan,Ngem saanmonto a madmadlaw.   Iti dayta nga aldaw,” kuna ni Jehova,“Saankonto aya a dadaelen dagiti masirib iti Edom,+Ken pukawen ti pannakaawat dagiti adda iti kabambantayan ni Esau?   Agbutengto dagiti mannakigubatmo,+ O Teman,+Ta mapapatayto amin a soldadom iti kabambantayan ni Esau.+ 10  Gapu iti kinaranggasmo ken Jacob a kabsatmo,+Nakaronto ti pannakaibabainmo,+Ken mapukawkanto iti agnanayon.+ 11  Iti aldaw a nagtaktakderka lattan iti igid,Iti aldaw a tiniliw dagiti estranghero ti armada ni kabsatmo,+Idi sinerrek dagiti ganggannaet ti ruanganna ken nagbibinnunotanda+ ti Jerusalem,Nagtignayka a kas kadakuada. 12  Saan a rumbeng nga agragsakka iti aldaw ti pannakadidigra ti kabsatmo,+Saan a rumbeng a katawaam dagiti umili ti Juda iti aldaw ti pannakadadaelda,+Ken saan a rumbeng nga uyawem ida iti aldaw ti panagrigatda. 13  Saan a rumbeng a sumrekka iti ruangan dagiti umilik iti aldaw ti pannakadidigrada,+Saan a rumbeng nga agragsakka iti aldaw ti pannakadidigrada,Ken saan a rumbeng nga alaem ti kinabaknangda iti aldaw ti pannakadidigrada.+ 14  Saan a rumbeng nga agurayka kadagiti pagsinaan ti kalsada tapno patayem dagiti agliblibas,+Ken saan a rumbeng nga iyawatmo kadagiti kabusor dagiti nakalasat iti aldaw ti rigat.+ 15  Ta asidegen ti aldaw ni Jehova maibusor iti amin a nasion.+ Kas iti inaramidmo, maaramidto met kenka.+ Matratokanto a kas iti panangtratom iti sabsabali. 16  Ta kas iti iyiinummo iti arak iti nasantuan a bantayko,Kasta ti agtultuloy a pananginum dagiti nasion iti pungtotko.+ Inumen ken lak-amendanto ti ungetko,Iti kasta, mapukawdanto a kasla saanda a pulos nagbiag. 17  Ngem iti Bantay Sion ti ayanto dagiti makalasat,+Ket agbalinto dayta a nasantuan.+Alaento manen ti kaputotan ni Jacob dagiti banag a kukuada.+ 18  Agbalinto nga apuy ti intero a pamilia ni Jacob,Agbalinto a gil-ayab ti intero a pamilia ni Jose,Ket kaslanto garami ti intero a pamilia ni Esau;Puoran ken naan-anay a pukawendanto dayta,Ket awanto ti makalasat iti intero a pamilia ni Esau,+Ta kasta ti imbaga ni Jehova. 19  Tagikuaendanto ti Negeb ken ti kabambantayan ni Esau,+Ti Sefela ken ti daga dagiti Filisteo.+ Tagikuaendanto ti Efraim ken ti Samaria,+Ket tagikuaento ti Benjamin ti Gilead. 20  Dagiti umili ti Israel a naipanaw iti daytoy natibker a pader+Tagikuaendanto ti daga dagiti Canaanita agingga idiay Sarefat.+ Ket dagiti naipanaw idiay Jerusalem, nga adda idiay Sefarad, tagikuaendanto dagiti siudad ti Negeb.+ 21  Ket sumang-atto iti Bantay Sion dagiti mangisalakan,Tapno ukomenda ti kabambantayan ni Esau;+Ket agbalinto nga ari ni Jehova.”+

Footnotes

Kaipapananna, “Adipen ni Jehova.”
Wenno “Soberano.”
Wenno mabalin a, “no agtayabka iti nangato.”
Wenno mabalin a, “Kasano kakaro ti panangdadaelda?”
Wenno “nakitulagam.”