NEW YORK—Ti nabiit pay a nairuar a video iti glavny.tv, maysa nga ahensia a mangipadpadamag iti mapaspasamak iti Central Federal District ti Russia, ipakitana ti panang-raid dagiti armado a polis ti Russia ken dagiti agtrabtrabaho iti Federal Security Service (FSB) iti natalna a gimong dagiti Saksi ni Jehova iti Oryol, Russia, idi Mayo 25, 2017.

Makita iti video ni Dennis Christensen, nga umili ti Denmark, a kalmado a makisarsarita kadagiti autoridad. Isu ket naaresto iti dayta a raid ken nakabalud agingga ita bayat nga ur-urayenna ti pannakabistana.

Kuna ni David A. Semonian a pannakangiwat dagiti Saksi ni Jehova iti sangalubongan a hedkuarterda: “Nalawag nga ipakita ti video a kalmado dagiti Saksi ni Jehova uray no butbutngen ida dagiti autoridad tapno mapasardengda ti panagadal ken panagsasaritada maipapan iti Biblia. Agtultuloy dagitoy a nalabes a di panangrespeto iti wayawaya ti relihion agingga a saan a baliktaden ti Korte Suprema ti Russia ti saan a nainkalintegan a desisionna kontra kadagiti Saksi ni Jehova. Maasiankami unay iti kapammatianmi a ni Dennis Christensen, a naparitan a bisitaen ken tawagan ni baketna. Sapay koma ta iti din agbayag, mawayawayaanen iti di nainkalintegan a pannakaibaludna.”

Media Contact:

David A. Semonian, Office of Public Information, +1-845-524-3000