Iti uneg laeng ti innem a lawas, manipud iti maudi a paset ti Septiembre 2024 agingga iti katengngaan ti Nobiembre 2024, pito nga agsasaruno a nagpipigsa a bagyo ti dimmalapus iti Pilipinas. Napanaganan dagitoy iti Julian, Kristine, Leon, Marce, Nika, Ofel, ken Pepito. a Idi Nobiembre 17, 2024, immabut iti nasurok a 305 a kilometro kada oras (190 mph) ti kapigsa ti angin ti kaudian a bagyo a ni Pepito. Nagadu a balay ken patakder a paglakuan ti dinadaelna. Iti dadduma a nababa a lugar, immabut iti nasurok a 20 a sentimetro (8 in.) ti lebel ti danum gapu iti napigsa a tudo, isu a naglayus ken nag-landslide. Gapu ta delikado ti kasasaad kadagitoy a lugar, ginasut a ribu a tattao ti napilitan nga agbakuit.

Nasurok a 12 a milion a tattao iti pagilian ti naapektaran gapu kadagitoy a nagpipigsa a bagyo. Dandani 150 a tattao ti nadangran, ken saan a bumaba iti 160 ti natay.

Bagyo a Julian

• Awan ti kabsat a natay wenno nadangran

• 2 a balay ti nakaro ti dadaelna

• 12 a balay ti medio nadadael

• 1 a Kingdom Hall ti medio nadadael

Bagyo a Kristine

• Kitaen ti napalabas a report iti artikulo a “Dinalapus ti Bagyo a Kristine ti Pilipinas”

Bagyo a Leon

• Awan ti kabsat a natay wenno nadangran

• Awan ti Kingdom Hall a nadadael wenno naperdi

Bagyo a Marce ken Bagyo a Nika

• Awan ti kabsat a natay wenno nadangran

• 329 a kakabsat ti nangpanaw iti balayda

• 2 a balay ti interamente a nadadael

• 14 a balay ti nakaro ti dadaelna

• 96 a balay ti medio nadadael

• Awan ti Kingdom Hall a nadadael wenno naperdi

Bagyo a Pepito ken Bagyo nga Ofel

• Awan ti kabsat a natay wenno nadangran

• 27 a kakabsat ti nangpanaw iti balayda

• 10 a balay ti interamente a nadadael

• 58 a balay ti nakaro ti dadaelna

• 102 a balay ti medio nadadael

• 12 a Kingdom Hall ti medio nadadael

• Mangipapaay dagiti pannakabagi ti sangay, manangaywan iti sirkito, ken panglakayen iti naespirituan a liwliwa ken suporta. Or-organisarenda met ti pannakaipaay dagiti tulong a kasapulan dagiti naapektaran kadagitoy a bagyo

• 20 a Disaster Relief Committee ti naapointaran a mangorganisar iti trabaho a panangsaranay iti intero a pagilian

Agtalektayo nga agtultuloy a liwliwaen ni Jehova ken ‘ipangagna dagiti kararag’ ti amin a lumunglung-aw kadagiti epekto dagitoy a napigsa a bagyo a nangdalapus iti Pilipinas.—Salmo 102:17.