Idi Hulio 27, 2022, adda magnitude 7.0 a ginggined a nangdayyeg iti isla ti Luzon iti Pilipinas. Napakaruan ti probinsia ti Abra. Narikna ti panagdayyeg agingga iti Manila, agarup 400 a kilometro (248 mi) ti kaadayona. Nasurok a 2,000 nga aftershock ti nairekord.

• Awan ti kakabsat a natay

• 4 a kakabsat ti nasugatan

• 42 a pamilia ti naibakuit

• 63 a balay ti saan unay a nadadael

• 1 a balay ti nakaro ti dadaelna

• 13 a Kingdom Hall ti medio nadadael

• 1 a Disaster Relief Committee ti naapointaran a mangidaulo iti panangsaranay

• Bisbisitaen dagiti lokal a panglakayen dagiti naapektaran tapno pabilgenda ida

• Sursuroten ti amin a timmulong dagiti safety protocol para iti COVID-19

Dagus a nangipatulod ti sanga nga opisina kadagiti relief supply para kadagiti naapektaran a kakabsat ken imbirokanda ida iti temporario a pagyanan. Nagtitinnulong dagiti kakabsat uray agpapadada a biktima ti ginggined.

Nabileg ti pammatimi a saranayen ken tulongan ni Jehova dagiti kakabsattayo iti daytoy a “tiempo ti rigat.”—Salmo 50:15.