Idi Oktubre 21, 2024, dinalapus ti nakapigpigsa a bagyo a Kristine a ti Pilipinas. Bayat a pimmigsa ti bagyo iti makin-amianan a paset ti pagilian, immabut iti 160 a kilometro iti kada oras (99 mph) ti kapigsa ti angin. Gapu iti nakapigpigsa a tudo ken angin, naglayus iti nakaro ken nag-landslide, ket nadadael dagiti balay, kalsada, ken linia ti koriente ken danum. Kasta met, iti nasurok nga innem a milion nga aggigian kadagiti apektado a lugar, agarup maysa a milion ti napilitan nga agbakuit ken agarup 126 ti natay.

• Makapaladingit ta maysa a sister ti natay

• 747 a kakabsat ti nangpanaw iti balayda

• 7 a balay ti interamente a nadadael

• 24 a balay ti nakaro ti dadaelna

• 128 a balay ti medio nadadael

• 8 a Kingdom Hall ti medio nadadael

• Malaksid iti panangipaay iti naespirituan a liwliwa ken suporta, mangipapaay met dagiti manangaywan iti sirkito ken panglakayen iti tulong kadagiti naapektaran iti bagyo

• 5 a Disaster Relief Committee ti naapointaran a mangorganisar iti trabaho a panangsaranay

Maladingitantayo iti ipapatay ti maysa a kabsattayo ken iti nakaro a pannakadadael a resulta ti bagyo. Ngem agtultuloy a maliwliwatayo iti kari ti Biblia nga awanton dagiti kasta a banag iti agnanayon.—Isaias 25:8.