Mapan iti linaonna

MARSO 14, 2019
UNITED STATES

Makapapatay nga Allawig iti Makin-abagatan a Daya ti Estados Unidos

Makapapatay nga Allawig iti Makin-abagatan a Daya ti Estados Unidos

Dinalapus ti makapapatay nga allawig ti dadduma a lugar iti Alabama, Florida, ken Georgia, idi Domingo, Marso 3, 2019, a nakatayan ti 23 ken adu ti nadangran.

Impadamag ti sangay iti Estados Unidos nga awan ti natay a kakabsattayo. Nupay kasta, nadangran ti maysa a sister idi naan-anay a dinadael ti allawig ti balayna iti Fort Valley, Georgia. Isu ket madama a maag-agasan iti asideg nga ospital. Impadamag pay ti sangay nga adda innem a balay dagiti kakabsat a saan a naan-anay a nadadael ken uppat ti interamente a nadadael. Iti panangiwanwan dagiti manangaywan iti sirkito iti dayta a lugar, nangted dagiti agibumbunannag kadagiti taraon ken kawes dagiti naapektaran a kakabsat ken pinadagusda pay ida. Nangted met dagiti panglakayen iti dayta a lugar iti naespirituan a liwliwa.

Ikarkararagtayo a dagiti kakabsat a naapektaran iti daytoy a didigra ket maliwliwa iti tekstotayo iti tawen 2019, “Dika madanagan, ta siak ti Diosmo.”—Isaias 41:10.