Mapan iti linaonna

Dadduma kadagiti 65 a kakabsat a nasapa a nawayawayaan kalpasan a naipaulog ti desision ti Korte Suprema iti South Korea a nangideklara a saan a krimen ti panangsurot iti konsiensia.

MARSO 7, 2019
SOUTH KOREA

Nawayawayaanen ti Amin a Saksi iti South Korea a Naibalud Gapu ta Saan nga Ipalubos ti Konsiensiada ti Agsoldado

Nawayawayaanen ti Amin a Saksi iti South Korea a Naibalud Gapu ta Saan nga Ipalubos ti Konsiensiada ti Agsoldado

Idi Pebrero 28, 2019, nawayawayaanen ti maudi kadagiti Saksi ni Jehova iti South Korea a naibalud gapu iti neutral a takderda. Amin a kakabsat a nawayawayaan inyebkasda ti napalaus a panagyamanda gapu iti pannakawayawayada ken iti gundawayda a nangipakita iti kinamatalekda ken Jehova a Dios.

Agdagup iti 65 a kakabsat a lallaki ti nawayawayaan manipud idi naipaulog ti nagpateg a desision ti Korte Suprema idi Nobiembre 1, 2018, a nangideklara a saan a krimen ti panagkedked nga agsoldado no saan nga ipalubos ti konsiensiada. Dayta a desision ti namagpatingga iti 65 a tawen a panangibalud kadagiti agkedked nga agsoldado gapu ta saan nga ipalubos ti konsiensiada.

Ti pammati ken kinamatalek dagiti kakabsattayo iti Korea tignayennatayo a ‘saan a mabuteng’ a mangipakita iti kinamatalektayo iti Aritayo ken iti Pagarianna. (Filipos 1:14) Ikarkararagtayo dagiti kakabsattayo a nakabalud pay laeng iti Eritrea, Russia, Singapore, ken Turkmenistan.—Hebreo 10:34.