Mapan iti linaonna

Mayo 23, 2019
RUSSIA

Inanamongan ti Korte a Pagapelaran ti Desision a Maibalud ni Dennis Christensen

Inanamongan ti Korte a Pagapelaran ti Desision a Maibalud ni Dennis Christensen

Idi Mayo 23, 2019, imbasura ti tallo a hues ti Oryol Regional Court ti apelar ni Dennis Christensen ken inanamonganda ti sentensiana nga innem a tawen a pannakaibalud. Agarup 80 a kakabsat ti immatender iti pannakabistana. Adda met sadiay dagiti opisial manipud Australia ken Denmark. Naireport dagiti resulta ti kasona kadagiti media iti intero a lubong.

Iti naglabas a tallo a bulan manipud idi nasentensiaan ni Brother Christensen idi Pebrero, 115 a balay dagiti Saksi ni Jehova ti na-raid ken nagtriple ti bilang dagiti kaso kriminal a nakaidarumanda no idilig iti naglabas a tallo a bulan.

Iramantayo iti kararagtayo ni Brother Christensen ken ti amin a kapammatiantayo idiay Russia. Agtalektayo nga “asideg ni Jehova iti amin nga umaw-awag kenkuana” ken agtultuloy a tulonganna nga agtalinaed a matalek dagiti kakabsattayo a maidaddadanes.—Salmo 145:18.