Mapan iti linaonna

ENERO 1, 2019
KYRGYZSTAN

Naimbag a Damag Manipud iti Osh, Kyrgyzstan

Naimbag a Damag Manipud iti Osh, Kyrgyzstan

Idi Nobiembre 30, 2018, inrehistro ti Kyrgyzstan Ministry of Justice ti maysa nga opisina dagiti Saksi ni Jehova iti siudad ti Osh, ti maikadua a kadakkelan a siudad iti Kyrgyzstan.

Nairehistron dagiti Saksi ni Jehova iti pagilian ti Kyrgyzstan manipud pay idi 1998. Ngem idi naipaulog ti baro a linteg maipapan iti relihion idi 2008, kanayon a saan a patgan dagiti lokal nga autoridad ti pannakairehistro dagiti kakabsattayo kadagiti siudad iti makin-abagatan a rehion ti pagilian, nga ayan ti Osh. Kas resultana, masansan nga ibilang dagiti autoridad iti siudad nga illegal ti Nakristianuan a panaggigimong ken panangasaba dagiti kakabsattayo. Adda dagiti gundaway a sinerrek dagiti polis dagiti pribado a pagtaengan dagiti kakabsat wenno dagiti ab-abanganda a pasilidad a pagtataripnonganda tapno agdaydayaw.

Maragsakantayo ta daytoy a desision a pabor kadatayo ad-adda a pinatalgedanna ti kalintegan dagiti Saksi iti Kyrgyzstan a nawaya nga agtataripnong tapno agdaydayaw ken mangiranud iti mensahe iti Biblia kadagiti sabsabali.—1 Timoteo 2:1-4.