Mapan iti linaonna

MAYO 31, 2019
ISRAEL

Ad-adu ti Naorganisar a Panangasaba iti Publiko iti Israel Gapu iti Rinibu a Turista iti Tel Aviv

Ad-adu ti Naorganisar a Panangasaba iti Publiko iti Israel Gapu iti Rinibu a Turista iti Tel Aviv

Manipud Mayo 10 agingga iti 19, nangorganisar dagiti Saksi ni Jehova iti Israel iti ad-adu a panangasaba iti publiko idiay Tel Aviv. Naaramid daytoy gapu ta adu a turista ti napan kadagiti nagduduma nga event iti siudad. Kas pagarigan, manipud Mayo 14 agingga iti 18, naangay iti Tel Aviv ti Eurovision Song Contest, maysa a pasalip iti musika, ket 10,000 a turista ti napan.

Kuna ni Brother Gennadi Korobov a timmulong a nangorganisar iti panangasaba iti publiko: “Idi naammuanmi a rinibu ti bumisita iti Tel Aviv para iti dayta a pasalip iti musika, nakitami a nagsayaat daytoy a gundaway para iti ad-adu a panangasabami iti publiko. Naragsakankami ta 168 a kakabsat manipud iti 22 a kongregasion iti intero nga Israel ti nagboluntario.”

Inaldaw a nangikabil dagiti kakabsat kadagiti cart iti walo a lokasion manipud 9:00 ti bigat agingga iti 9:00 ti rabii. Gapu ta agduduma a pagilian ti naggapuan dagiti turista, 10 a lengguahe dagiti literatura ti naikabil kadagiti cart: Arabic, Chinese, English, French, German, Hebrew, Italian, Japanese, Russian, ken Spanish.

Mangnamnamatayo a nasayaat ti resulta daytoy nga aktibidad iti Israel. Pammaneknek daytoy a ni Jehova ket idaydayaw ti ilina “iti amin a tiempo.”—Salmo 34:1, 2.