Mapan iti linaonna

Mapan iti segundario a pagpilian

Dagiti Saksi ni Jehova

Iloko

MAYO 20, 2015
UNITED STATES

Irugi Dagiti Saksi ni Jehova Dagiti Serye ti “Tuladenyo ni Jesus!” a Kombensionda iti 11 a Siudad iti US

Irugi Dagiti Saksi ni Jehova Dagiti Serye ti “Tuladenyo ni Jesus!” a Kombensionda iti 11 a Siudad iti US

NEW YORK—Rugian dagiti Saksi ni Jehova ti umuna a “Tuladenyo ni Jesus!” a Kombensionda idiay United States iti agsapa ti Biernes, Mayo 22, 2015. Bayat ti ngudo ti lawas, dagitoy a libre a programa para iti publiko ket maaramid iti 11 a lugar, a pakairamanan ti addaan iti pakasaritaan nga Stanley Theater idiay Jersey City, New Jersey (ladawan iti ngato). Namnamaen dagiti Saksi a dumanon iti nasurok nga 41,000 ti inaldaw a kangatuan a bilang dagiti tumabuno no mapagtitipon ti 11 a pakaaramidan ti kombension.

Kinuna ni J. R. Brown, a pannakangiwat dagiti Saksi ni Jehova iti sangalubongan a hedkuarter idiay Brooklyn, New York: “Sibabara a maabrasa dagiti amin nga umawat iti imbitasion a mapan makikombension iti lugarda ket ammomi a maragsakandanto ta gundawayanda ti umatender. Bayat ti tallo nga aldaw iti ‘Tuladenyo ni Jesus!’ a Kombension, addanto dagiti makapainteres a presentasion maipapan kadagiti napuersa a pannursuro ni Jesus. Nadisenio dagitoy a tumulong kadagiti tattao, aniaman ti edad ken kasasaadda.”

Bayat ti intero a kalgaw ken agpatpatuloy agingga iti Enero 2016, addanton agarup 5,000 a “Tuladenyo ni Jesus” a Kombension dagiti Saksi ni Jehova a maaramid iti 92 a dagdaga. Ti inyurnos ti Bagi a Manarawidwid dagiti Saksi ni Jehova a programa ket maiparang iti intero wenno dagiti kangrunaan a pasetna iti 347 a lengguahe, a pakairamanan ti 55 a sign language.

Media Contact(s):

International: J. R. Brown, Office of Public Information, tel. +1 718 560 5000