Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

MARSO 3, 2014
RUSSIA

Nayon ti Damag: Panangpadas a Mangiparit iti JW.ORG, Napaay

Nayon ti Damag: Panangpadas a Mangiparit iti JW.ORG, Napaay

ST. PETERSBURG, Russia—Nangabak dagiti Saksi ni Jehova iti kaso idi binaliktad ti maysa a korte a pagapelaran ti immuna a desision ti nababbaba a korte a mangiparit iti opisial a website dagiti Saksi ni Jehova a jw.org iti intero a Russia.

Binaliktad ti Tver Regional Court ti desision ti Tsentralniy District Court idi Agosto 7, 2013. Napaneknekan ti regional court a saan a nainkalintegan ti district court iti panangiparitna iti website. Ngamin, dagiti Saksi ni Jehova a makinkukua iti dayta ket saan a naikkan iti oportunidad a makipartisipar iti bista. Dayta a kaso ket inyuli ti local prosecutor ti Tver iti korte ta sigun kadagiti korte ti Russia, ti jw.org ket naglaon kadagiti publikasion a maibilang nga “ekstremista.” Apaman a naammuan dagiti Saksi ni Jehova ti desision ti district court, inikkatda dagidiay a publikasion iti jw.org iti Russia. Kinompirma ti Tver Regional Court a tinungpal dagiti Saksi dagiti linteg ti Russia isu a kinanselarna ti panangiparit.

Inyapelar dagiti Saksi ni Jehova ti desision dagiti korte ti Russia a nangideklara nga “ekstremista” ti dadduma kadagiti publikasionda ken nangisumiteda iti sumagmamano nga aplikasion iti European Court of Human Rights tapno mabaliktad dagita a desision.

Kinuna ni Grigory Martynov a pannakangiwat dagiti Saksi ni Jehova iti Russia: “Maragsakankami ta nakita dagiti hues ti adu a maitulong ti website-mi ken ti kinarasonable dagiti panagreggetmi a mangtungpal kadagiti desision dagiti korte ti Russia. Itultuloymi nga idepensa ti integridad dagiti publikasionmi ken dagiti kalintegan dagiti umili ti Russia a naan-anay a magunggonaan iti trabahomi a panangisuro iti Biblia.”

“Agragragsak dagiti Saksi iti intero a lubong gapu iti daytoy a balligi,” kuna ni J. R. Brown a pannakangiwat ti sangalubongan a hedkuarter dagiti Saksi. “Gapu iti daytoy a panangabak iti kaso ti korte, agtultuloy a maluktan ti amin nga umili ti Russia daytoy a nagsayaat a website a mangisursuro iti Biblia.”

Media Contact(s):

International: J. R. Brown, Office of Public Information, tel. +1 718 560 5000

Russia: Grigory Martynov, tel. +7 812 702 2691