Mapan iti linaonna

ABRIL 20, 2017
RUSSIA

Desision ti Supreme Court Maikontra Kadagiti Saksi ni Jehova

Desision ti Supreme Court Maikontra Kadagiti Saksi ni Jehova

NEW YORK—Kalpasan ti innem nga aldaw a pannakadengngeg ti kaso iti napalabas a dua a lawas, nagdesision ti Korte Suprema ti Russian Federation ita nga aldaw a pabor iti dawat ti Ministry of Justice a mangpaserra iti Administrative Center dagiti Saksi ni Jehova idiay Russia ken ti 395 a Local Religious Organization (LRO) nga us-usaren dagiti Saksi ni Jehova iti intero a Russia. Maipatungpal a dagus ti desision.

“Kasta unay ti pannakadismayami iti daytoy a pasamak ken pakadanaganmi la unay ti epektona kadagiti aktibidad ti relihionmi,” kuna ni Yaroslav Sivulskiy, spokesman dagiti Saksi ni Jehova idiay Russia. “Agapelarkami, ken namnamaenmi a maisublinto met laeng iti kabiitan a panawen ti kalintegan ken proteksionmi kas natalna a relihioso a tattao.”

Adda 30 nga aldaw a naited kadagiti Saksi ni Jehova idiay Russia nga agapelar nga usigento ti panel a buklen ti tallo a tao.

Media Contacts:

International: David A. Semonian, Office of Public Information, +1-845-524-3000

Russia: Yaroslav Sivulskiy, +7-911-087-8009