Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

PEBRERO 25, 2016
SANGALUBONGAN A DAMDAMAG

Iyaw-awis Dagiti Saksi ni Jehova iti Intero a Lubong ti Tinawen a Pananglaglagip iti Ipapatay ni Kristo

Iyaw-awis Dagiti Saksi ni Jehova iti Intero a Lubong ti Tinawen a Pananglaglagip iti Ipapatay ni Kristo

Addanto mangngegan a diskurso a naibatay iti Biblia iti daytoy nga okasion.

NEW YORK—Idi Sabado, Pebrero 27, inrugi dagiti Saksi ni Jehova ti sangalubongan a kampania a panagawis para iti ibilbilang dagiti Saksi a kapatgan nga okasion iti tawen, ti Pananglaglagip iti ipapatay ni Kristo, a maaramid inton Marso 23. Kuna ni David A. Semonian, nga spokesman dagiti Saksi ni Jehova iti sangalubongan a hedkuarterda iti New York: “Iti dayta a pananglaglagip, addanto mangngegan a diskurso a mangilawlawag no apay a nakapatpateg ita ti ipapatay ni Jesus uray dandani dua a ribu a tawenen ti napalabas. Mailawlawag met no kasano a mangted dayta iti namnama iti masanguanan. Kayatmi nga adunto ti mabenepisiaran iti maipaay nga instruksion manipud iti Biblia iti daytoy a seremonia.”

Iti intero a kampania, agarup walo a milion a Saksi iti intero a lubong ti makiraman iti panagimbitar para iti daytoy nga okasion. Idi napan a tawen, dandani 20 a milion ti immatender iti Pananglaglagip iti ipapatay ni Kristo.

Media Contact:

David A. Semonian, Office of Public Information, tel. +1 718 560 5000