Kpehe ka ala ịlẹpwụ

Kpehe ka ịmenu oheye

Alibeenu nya iJihova

Igede

A Tị Me Irya K’Ibayịbụụ Ri Ụpwụ Ọlanyi?

A Tị Me Irya K’Ibayịbụụ Ri Ụpwụ Ọlanyi?

Ahụ yọọ la laa . . .

  • ụpwụ nya alonyorwu?

  • ụpwụ nya ujwo lee ego?

  • omi ẹla nya Ohe?

 IBAYỊBỤỤ YẸKẸẸ

“Ohe oluhye a kpa angịnyị ehe bwula olegu ịgọgọ nyamwụ da ẹla myị́ ẹla ọlẹpwụ nya ụpwụ ịgọgọ lẹ.”—2 Itimoti 3:16, Ibayịbụụ nya Ohe Oluhye.

APYOBWUNA ỌLẸ Á KA YE

A ka ye ọwẹwẹ nya ịtọ ịlẹ kị baba ẹpwụ nya ọhịhị.—Etu 2:1-5.

A ka ye ọmẹjẹ ojwu apyobwuna ẹpwụ nya ahịẹnụ ọnyị myị́ ọnyị. —Eje Ọnyịịla 119:105.

A ka lahị ọdahyile nya ijuju ọnyịla. —Ala Irom 15:4.

 AHỊ MYỊ JU ẸLA ỌLẸ K’IBAYỊBỤỤ YAA?

Ee, u-uhye nya ahị nya ẹla ịta:

  • Ọmyị ọnụ ju-awulẹ. Angị datị-datị iwo-ine (40) a da Ibayịbụụ lẹ. Ụka ọlẹ kị kpa da ụpwụ ọlẹ wuu kpohe nya ẹka ụnọ da ohu ịrwọnyẹ (1,600). Irwu nya ajẹ-awụlẹ ka. Ma, ẹla-ọlẹ kị tị da myị ọnụ ju-awule. Ọtị hu ẹnyị bala eji ọkpakpa nya Ohe oluhye hwaa.

  • Ego ọkpẹkpẹ. Angị gbego á myị ya abị nyaa bala ọdẹwụ-dẹwụ nya ẹpwụma nyaa kpong-kpong ka. Ma, angị da-Ibayịbụụ ya ịhọ-hàka nyaa bala ịhọ-tịpyọ nya ẹpwụma nyaa.—2 Ego Ogbegbe 36:15, 16; Eje Ọnyịịla 51:1-4.

  • Ọmwụ ọyẹyẹ nyịlẹhị. Ẹka ụnọ imiiye (2,000) kam kẹkpẹ, Ibayịbụụ yẹ ọmwụ nọ eji u-uhye ọgba nya ájwụjwụ bala ịngị-lujwo ịlẹ kị wẹ họjịra lẹẹlẹẹ, bala abwụẹla nya angịnyị ịlụka nyahị.—Imatiyu 24:7, 8; 2 Itimoti 3:1-5.

    Ọmwụ ọyẹyẹ ịkịla datị-datị họchọnụ ẹpwụ nya Ibayịbụụ. Ịịwẹ ahị ka me irya ka omi ẹla nya Ohe ka ri lẹ, lee ịnyị tị ka?—2 Ipita 1:21.

 KWỤ IRYA JU ỊTỌ ỌLẸ WẸẸ

Anyị ụpwụ ịgọgọ atị ka da-ọhịhị nyang ụbwọ?

Ibayịbụụ wẹ ịtọ ọwẹ ụ-ụpwụ nya AYỊSAYA 48:17, 18 bala 2 ITIMOTI 3:16, 17.