Kpehe ka ala ịlẹpwụ

Kpehe ka ịmenu oheye

Alibeenu nya iJihova

Igede

A Tị Me irya K’ijuju Nyahị Ka la Anyị?

A Tị Me irya K’ijuju Nyahị Ka la Anyị?

Iwe ahụrụ nya odehe ọlẹ ka . . .

  • la ịlịlẹ?

  • ta ịpyọ gwụ ọlẹ?

  • ha gwụ ọlẹ?

 IBAYỊBỤỤ YẸKẸẸ

‘Ohe oluhye ka hịlẹ egbejida hi egbahị nya angịnyị nyamwụ ịịwa wuu. Igu ogbugbu ọhẹ-lọhẹ à-ka ji kaka. Lee, ida ọbaba bala ida ojeje ọhẹ-lọhẹ, ọ-ka ji kaka. Lee ang ọjụjụ ọhẹ-lọhẹ, ọ ka ji kaka ịnyịnyị. Chajị, ang myị̀ ang inyogo wuu chịpwụrụ kam ugbẹnyị lẹ.’ —Ọwụrụụ-wụrụ 21:4, Ibayịbụụ nya Ohe Oluhye.

APYOBWUNA ỌLẸ Á KA YE

Ụkụrwọ ọnyịịla ọlẹ ọ̀ ka wuhi ẹpwụ.—Ayịsaya 65:21-23.

Ẹdụrụ lee akama ọhẹ-lọhẹ á ka ji kaka.—Ayịsaya 25:8; 33:24.

Ahị ka hịhị bala angịnyị nyahị gbe oyi myị́ oyi ẹ-ẹpwụ nya ọkẹkẹnị. —Eje Ọnyịịla 37:11, 29.

 AHỊ MYỊ JU ẸLA ỌLẸ K’IBAYỊBỤỤ YAA?

Ee, u-uhye nya ahị nya ẹla imiiye:

  • Ohe la ọngịrị nya ọkạ họ ọnụ-ọmyịmyị nyamwụ jịra. Ijihova kem Ibayịbụụ a wụrụ nya “Agụgụ ọtụka” lẹ, chajị ọngịrị nyamwụ à la ọbaba ka. (Ọwurụụ-wụrụ 15:3) Lẹ, ọla ọngịrị nya ọka họ ká odehe ka há gwụ ọlẹ jaabwọ ọlẹ k’ọmyi-ọnụ. Ọọwa adu ká Ibayịbụụ yẹkẹẹ, bwu la Ohe oluhye, “ang myị̀ ang wuu tị ri ang ọchịkpẹẹ” lẹ.—Ịmatiyu 19:26.

  • Ori irya nya Ohe nya ọka họ ọnụ-ọmyịmyị ọwẹ jịra. Ọ chụ-pwo kwịta, Ijihova charịịnya, ọtị kpọ ịpyọ nya ọka wule egụ eji.—Ijobu 14:14, 15.

    Ijisọsị ọnyị nya Ohe oluhye họ ala-ẹdụrụ uda ká Ibayịbụụ ya ịnyịnyị. Ịịyẹ a tị du? Ori irya nyamụ adu ká ọmyị lẹ. (Imaki 1:40, 41) Ijisọsị me Adamụ kpẹkpẹ, ịnyị a du kà ọ la irya nya ọ da angịnyị ụbwọ lẹ.—Ijon 14:9.

    Lẹ, ahị ka jẹ kpakpa nyori Ijihova bala Ijisọsị ka da ahị́ ụbwọ k’ahị ka la ijuju ọnyịịla ẹ-ẹpwụ nya ọkẹkẹnị!—Eje Ọnyịịla 72:12-14; 145:16; 2 Ipita 3:9.

 KWỤ IRYA JU ỊTỌ ỌLẸ WẸẸ

Anyị Ohe a tị wẹ ka bwu nwụla odehe ọlẹ?

Ibayịbụụ wẹ ịtọ ọwẹ ụ-ụpwụ nya ỊMATIYU 6:9, 10 bala ỊDANẸLỤ 2:44.