Kpehe ka ala ịlẹpwụ

Kpehe ka ịmenu oheye

Alibeenu nya iJihova

Igede

Ịyẹ Tị Ka Du k’Ugbiyegu Ka Chị Ọkẹkẹnị?

Ịyẹ Tị Ka Du k’Ugbiyegu Ka Chị Ọkẹkẹnị?

À me irya ka . . .

  • ọhaha?

  • okpoko?

  • ịyẹ atị kwụ iryạ?

 IBAYỊBỤỤ YẸKẸẸ

Ahị ọwawa (ọkẹkẹnị) ‘ka juwa ha angịlẹ kị wo ẹla nya Ohe oluhye kị kpa họ ụkụrwọ.’—Iluku 11:28, Ibayịbụụ nya Ohe Oluhye.

APYOBWUNA ỌLẸ Á KA YE

Ọrụ-ahụ ka la ọhaha u-uhye nya ahụ nyamwu.—Ala Efesọsị 5:28, 29.

Ahụ ka ju ọrụ nyamwụ ihi.—Ala Efesọsị 5:33.

Ịka dahị hile awụlẹ.—Imaki 10:6-9.

 AHỊ MYỊ JU ẸLA ỌLẸ K’IBAYỊBỤỤ YAA?

Ee, u-uhye nya ahị nya ẹla imiiye:

  • Ohe oluhye a ri ọmwụ ọdadạ nya ugbiyegu lẹ. Ibayịbụụ yẹkẹẹ “ugbiyẹgu wuu bwu ẹ-ẹga nya Ohe oluhye.” (Ala Efesọsị 3:14, 15) Ugbiyegu ji chajị Ohe oluhye a họọ lẹ. Ịyẹ tị du kọ baba ahị ka jẹ nya orị Ohe oluhye a họ ugbiyegu lẹ?

    Ọ chụ-pwọ kwịta: A ri ang-oriri ọlẹ kọ la ịpyọ, a tị tịtọ á ka jẹ ang ọlẹ kị kpa kpọọ, oowo a tị ka towoo? Ọngọlẹ kọ kpọọ ịnyị.

    Ịnyịnyị, ori ka tịtọ a ka jang ọlẹ kọ du ugbiyegu ka chị ọkẹkẹnị, ọ ha á ka tọ Ohe woo.—Ọmwụ Ọdada 2:18-24.

  • Ohe oluhye kpahi jung. Ọ ha ka ugbiyegu ka wo ẹla nyamụ bwu la ụpwụ Ịgọgọ. Ịyẹ a tị du? “Chajị, ọngọ họ ọbaba nyanụ wuu hanụ myí, Ohe oluhye ayịdang a ri lẹ.” (1 Ipita 5:6, 7) Ohe oluhye kpa ịbaba nyanụ ọkịlẹtụ, lẹ alibi nyamụ ka họ ụkụrwọ ụka wuu! —Etu 3:5, 6; Ayisaya 48:17, 18.

 KWỤ IRYA JU ỊTỌ ỌLẸ WẸẸ

Anyị a tị ka họ á ka ri ọrụ-ahụ, ahụ, adịda bala ịnịna ọnyịịla?

Ibayịbụụ wẹ ịtọ ọwẹ ụ-ụpwụ nya ALA EFESỌSỊ 5:1, 2 bala ALA IKOLOSI 3:18-21.